بسمة بوسيل: أغنية مشاعر كانت لي في البداية.. وأنا مستحيل اتنسي

كشفت الفنانة بسمة بوسيل، لأول مرة كواليس تحضيرها لأغنية مشاعر، وذلك قبل أن تقدمها الفنانة شيرين عبد الوهاب، كتتر لمسلسل حكاية حياة عام 2013.

وقالت بسمة بوسيل، خلال لقائها عبر إذاعة راديو نجوم FM: تامر حسني اللي كان مسؤول عن الألبوم بتاعي في بداياتي وكان مختار ليا أغنية مشاعر ولكننا مأخدنهاش، هو اللي عرفني على المنتج الكبير محسن جابر، وكان في أغاني كتير اتوزعت على فنانات كتير، ومبحبش أفتكر علشان بزعل.

كما أكدت بسمة بوسيل، أنها شخصية لا يمكن أن تُنسى، قائلة: أنا مستحيل اتنسي، لأني لما بدخل حياة حد بضيف ليها كتير سواء صديقة أو أم، وأنا بحب أن الناس اللي تدخل حياتي تضيف ليا وده اللي بيخليني أخلي الناس تقرب أو تبعد عني.

بسمة بوسيل تتحدث عن علاقتها بتامر حسني

وكانت كشفت الفنانة بسمة بوسيل، تفاصيل علاقتها بطليقها الفنان تامر حسني، قائلة: تامر حسني أضاف لي كثيرا وتعلمت منه لأنه شاطر وموهوب، أنا كنت عايشة مع الشخص ده وشايفة بيختار أغانيه إزاي، كأني أخدت كورس مكثف ومكنتش هعرف الحاجات دي غير لما شفت ده معاه.

وأضافت: أنا كبرت مع تامر حسني ونضجت معاه، وهو أبو عيالي وخلاني أم، ودلوقتي إحنا مبسوطين إننا بقينا أصحاب جدًا، وإحنا مبنافسش بعض ولكننا بنكمل بعض واخترت معاه بعض الأغاني في ألبومه الجديد.