ميمي جمال: فنانة وقعت بيني وبين حسن مصطفى وقالتله شوف مراتك بتلبس إيه
أعربت الفنانة ميمي جمال، عن سعادتها الكبيرة بتكريمها في المهرجان القومي للمسرح المسرح، وأهدت زوجها الراحل الفنان حسن مصطفى تكريمها، موضحة أنه لم يأخذ حقه في التكريم خلال مشواره الفني قبل وفاته.
وقالت ميمي جمال، في ندوة تكريمها بالمهرجان القومي للمسرح المصري: بهدي تكريمي لزوجي الراحل حسن مصطفى، طول حياته مخدش حقه في التكريم، فأنا قررت أول ما أتكرم ههدي له التكريم، طول عمره واقف معايا.
كما كشفت ميمي جمال، عن محاولة فنانة شهيرة لخلق أزمة بينها وبين زوجها الراحل حسن مصطفى، قائلة: في فنانة شهيرة راحت قالت لجوزي شوف مراتك بتلبس إيه على المسرح، بعدها جه سألني قولتله بلبس سواريه، قالي يعني في الطراوة مفيش كتافات للفساتين؟، وبعدها التزمت وعملت شال للفساتين.
ميمي جمال: محضرتش حاجات كتير مع ولادي بسبب عملي بالفن
وتحدثت ميمي جمال، عن علاقتها بـ أبنائها وسبب قبولها عدد كبير من الأعمال الفنية خلال السنوات الأخيرة، قائلة: قعدت 6 سنين في البيت جددت علاقتي بولادي، الفترة اللي كنت بشتغل فيها أمي اللي شالتني، محضرتش حاجات كتير مع ولادي، ولادي كانوا بيبصولي أوي عشان مش بيشوفوني كتير لأن شغلانتنا ملهاش مواعيد، وبعد ما كبروا واتجوزوا لقيت نفسي قاعدة لوحدي في البيت، وقولت لو حد فكر فيا وعرض عليا شغل هقبل، لأن دا الحاجة الوحيدة اللي بفهم فيها.
وكشفت ميمي جمال، عن السبب الذي يمكنها من خلاله اعتزال الفن، قائلة: الفنان اللي بيفضل واقف على رجله والذاكرة عنده كويسة هفضل أقول يا رب أكون كدة؟، وهفضل أطلب من ربنا أفضل كدة، ولو حسيت بحاجة هعتزل.
