أحمد عصام السيد: خفت يفتكروني مثلت بالواسطة بسبب والدتي.. وبتقولي حب التمثيل مش شهرته وفلوسه
تحدث الفنان أحمد عصام السيد عن كواليس دخوله مجال التمثيل، كاشفًا تخوفه من الحكم المسبق من الجمهور على موهبته بسبب وجود والدته الفنانة حنان يوسف على الساحة الفنية، إلى جانب حديثه عن نصائحها له.
وقال أحمد عصام السيد خلال لقائه مع القاهرة 24: كنت خايف في الأول من فكرة أن الناس تفتكرني داخل واسطة، بس في حد قالي كده كده هيتكلموا مش هتكون أنت الوحيد اللي الناس مش هتتكلم عليه، ولو متكلمومش على ده هيلاقوا حاجة تانية يتكلمه عليها.
وتابع: والدتي حنان يوسف دايمًا بتنصحني أني أحب التمثيل كتمثيل مش شهرة وفلوس، مركزش في حاجة تانية، أي حاجة تانية بتكون لامعة كدابة، وبتقولي حب التمثيل عشان توصل لقلوب الناس وعقولها.
كواليس دخول أحمد عصام التمثيل
وعن كواليس دخول أحمد عصام السيد عالم الفن والتمثيل، علق: أنا ماكُنتش عارف أني همثل، كنت عاوز أدخل عالم الإخراج بس عندي حب التمثيل، وقولت ده جزء من حبي للسنيما، وبعدها اتفتحلي الباب وجالي فرص من عند ربنا ماعندتش سبتها عليه.
أعمال أحمد عصام السيد
ومن جانبه شارك أحمد عصام السيد في فيلم الشاطر، بطولة الفنان أمير كرارة، ويعرض حاليًا بجميع دور العرض، وضم العمل: هنا الزاهد، مصطفى غريب، عادل كرم، محمد القس، خالد الصاوي وعدد من ضيوف الشرف منهم شيرين رضا، محمد عبد الرحمن وآخرين، والعمل من إخراج أحمد الجندي.
