حلمي عبد الباقي: أؤيد قرارات مصطفى كامل.. والنقابة مسؤولة عن الحفاظ على الذوق العام
أعرب الفنان حلمي عبد الباقي عن دعمه الكامل لقرارات نقيب المهن الموسيقية، الفنان مصطفى كامل، مؤكدًا أن من مهام النقابة الحفاظ على الذوق العام في الساحة الفنية.
حلمي عبد الباقي: أؤيد قرارات مصطفى كامل
وقال حلمي عبد الباقي، في تصريحات لـ القاهرة 24: أنا بحب مصطفى كامل، ودايمًا بقول عليه إنسان فولازي، قراراته حاسمة، وبيستشير مجلس النقابة قبل ما ياخد أي خطوة، وأنا بأيد قراره، لأن النقابة من ضمن مسؤولياتها الحفاظ على الذوق العام.
وأضاف: مينفعش مطرب يطلع على المسرح ومعاه راقصة، دي حاجة ما تنفعش. المفروض المطرب يبقى لوحده، والراقصة لوحدها، لأنك راجل نجم وده بيأثر على شكل الفن.
أعمال حلمي عبد الباقي
يذكر أن حلمي عبد الباقي، طرح مؤخرًا أغنية بلا عيش وملح، عبر موقع الفيديوهات الشهير يوتيوب، وهي من كلمات أحمد جابر، وألحان محمد شحاته، ومن توزيع محمود صبري.
كلمات أغنية بلا عيش وملح: عرفنا مين عدو ومين حبيب، وشفنا كل حاجة عن قريب، عرفنا مين عرفنا مصلحة، وراح وسابها وجابها في النصيب، محبة عشرة كله كان كلام، يومين جمال وراحوا والسلام، عملنا ياما خير في ناس كتير وعادي برده طلعوا مش تمام، محدش يسألنا جمايل صحصح، مثلتوا الدور هايل، ياريت منشفكوش بعدين، محدش يجي يتحايل، ليه فضل علينا محدش شالنا إلا أيدينا، محدش حبّلنا الخير إلا واتشال جوه عينينا بلا عيش وملح، سبتولنا جرح وأخدته فرح السنين.
