كان بيخاف من شكة الدبوس.. صديق شيكا المقرب يرد على ادعاءات استئصال كليته بإحدى العيادات
تداول مستخدمو مواقع التواصل الاجتماعي فيديو للاعب نادي الزمالك الأسبق إبراهيم شيكا خلال ذهابه لإجراء جراحة بإحدى العيادات، وزعم البعض لجوئه لاستئصال كليته.
صديق شيكا المقرب يرد على ادعاءات استئصال كليته بإحدى العيادات
وقال صديق شيكا في تصريحات لـ القاهرة 24: اللي حصل أن شيكا كان تعبان في الفيديو ده وراح يعمل منظار عند دكتور في مدينة نصر اللي هو الدكتور أشرف أمين، وأنا كنت معاه وقتها وهو طيب وبيخاف من أقل حاجة حتى شكة الدبوس، عشان كده بالنسبة له كان حاسس بخوف ورهبة من المنظار وبيقول ربنا يعوضني عشان واحد مريض والسرطان خلص عليه.
وواصل: في الفترة الأخيرة تعب جدًا وخد كيماوي وقع شعره ودقنه وحواجبه قبل ما يموت كان المرض انتشر في أجزاء كتير من جسمه، بالذات بعد ما عمل عملية تحويل مسار وده السبب اللي دمره، شيكا قعد 13 يوما في الرعاية قبل ما يموت ومكنش في جسمه عناصر غذائية خالص حتى ضغطه كان بينزل بسبب أن مفيش أكل واصله، وكنا بنخليه على جهاز الضغط وكل اللي حصله قضاء ربنا وحسبي الله ونعم الوكيل في الشائعات اللي الناس بترددها.
