شغال في الفاير وركس من 4 سنين.. أول تعليق لأسرة حسام حسن المتوفى بحفل محمد رمضان: منعرفش دا حصل إزاي | خاص
قال إبراهيم حسن، شقيق حسام حسن، الشاب الذي لقي مصرعه في انفجار الألعاب النارية بحفل الفنان محمد رمضان بالساحل الشمالي، إن الأسرة لا تزال تجهل تفاصيل ما حدث.
أول تعليق لأسرة حسام حسن المتوفى بحفل محمد رمضان
وأضاف في تصريحات خاصة لـ القاهرة 24: حسام عنده 22 سنة، وبيشتغل في مجال الفاير وركس بقاله 4 سنين، ومحدش قالنا لحد دلوقتي إيه اللي حصل بالضبط، ولا نعرف هو مات إزاي.
وتابع إبراهيم حسن: ابن عمتي كان معاه في الحفلة وشغال معاه في نفس المجال، بس هو مسئول عن الشاشات لكن حسام شغال في عروض الفاير وركس والألعاب النارية، مع نفس الشركة اللي نظمت الحفل، وهو اللي بلغنا بخبر وفاته.
ومن جهته قال صديق مقرب لـ حسام حسن: حسام خريج كلية تجارة جامعة عين شمس، ويعتبر من مديرين شركة الفاير، والشركة دي بقالها فترة شغالة مع ياسر الحريري منظم حفل الفنان محمد رمضان بالساحل الشمالي، ويعتبروا من شركائه وعلى طول بينفذوا له كل الحفلات، وياسر الحريري بيبرئ نفسه وتصريحاته غير صحيحة وهو المنظم الأول للحفل والمسئول عن كل فرد.
