لاعب الأهلي السابق: استأذنت خالد بيبو علشان آخد لبس التمرين.. ومنعني من الجري في التتش
كشف شادي رضوان، لاعب النادي الأهلي السابق، كواليس قرار خالد بيبو مدير الكرة السابق بالقلعة الحمراء، بمنعه من خوض التدريب منفردا داخل ملعب مختار التتش، الخاص بالفريق الأول.
لاعب الأهلي السابق: استأذنت خالد بيبو علشان آخد لبس التمرين.. ومنعني من الجري في التتش
وقال شادي رضوان في تصريحات إذاعية: طلعت إعارة للبنك الأهلي مع كابتن محمد يوسف، بعد ما خلصت إعارتي مع البنك رجعت على الفريق الأول مع الأهلي مع كولر، اتمرنت مع الفريق، وكابتن سيد قالي انت ماشي كويس وكولر بيتكلم عليك كويس، بعدها بـ 10 دقائق الإداري بلغني هتنزل فرقه الناشئين مواليد 2001 تتمرن معاهم.
وأضاف رضوان: الأهلي مشي كتير من لاعبي 2001 وانا كملت وقت إلغاء مواليدي والمسابقة، وقتها كنت راجع من الإصابة وقربت اخلص تأهيل والمفروض هنزل اجري في ملعب النادي، جيت ادور على لبس للتمرين مش راضيين يجبولي لبس، عم حارث قالي خش استأذن من كابتن خالد بيبو مدير الكورة على اللبس، وجيت دخلت الملعب عشان انزل اجري لقيت عامل بيقولي كابتن خالد قال متنزلش الملعب، سألت ليه، قالي هنبقي نظبطها عشان معاد الفرقه وكده، وعشان كولر مش بيحب حد يجري مع وجود الفرقه، بالرغم ان كولر عارفني وتابعني في العلاج الطبيعي والتأهيل.
وأكد رضوان: خالد بيبو كان مانعني من الجري في ملعب التتش تمامًا وكذا مره أروح وبرضه نفس الكلام مبيتغيرش، روحت فرع الأهلي في مدينة نصر عشان أجري وكنت بروح في توقيت ميكنش فيه حد عشان محدش يشوفني بعد ما خلاص فرقتي اتلغت.
واختتم رضوان: لحد الوقت ده مكنش طلعلي فلوس وفيه وقت في يناير ركبتي كانت محتاجه حاجه بسيطه زي عمله تنضيف، بكلم النادي مفيش رد، فعملتها على حسابي لحد ما الناس ترد عليا وتديني جزء حتي من الفلوس.
