التيك توكر شاكر ينفي القبض عليه.. ويعلن مقاضاة مروجي الشائعات: هاخد حقي بالقانون
هاجم التيك توكر شاكر مروجي شائعات القبض عليه، قائلا: هوكل أكبر محامين وهاخد حقي منكم، الناس اللي حاليا في أزمة واتحبست، أنتم بأي عين تشمتوا فيهم دي مش علامات رجولة.
وقال في لايف له عبر حسابه الشخصي على موقع تيك توك: فيه ناس في الأزمة دي مفيش بيني وبينهم عمار بس لو احتاجوني هكون أول الموجودين، وأساعده من وهوكل أكبر مكاتب محامين في مصر وهاخد حقي من كل اللي كتب عني أخبار كاذبة.
وأردف: أنا عندي ملايين بتحبني ولو فتحت من عند أي حد من تليفونه بوشي هينزلي دعم بالملايين .
وأستطرد في البث المباشر: فيه إيه يا جماعة؟ أنا لسه صاحي وشكله فيه قلق ومش عاوز دوشة، وطالما جبتم سيرتي في القلق ده انتظروا ضربتي القوية، ساخرا من القبض على 6 من صانعي المحتوى عبر مواقع التواصل الاجتماعي.
القبض على التيك توكر أم سجدة وأم مكة
من جانبها، ألقت الأجهزة الأمنية القبض على التيك توكر أم سجدة وأم مكة ومداهم وسوزي الأردنية وعلياء قمرون.
وجاء القبض على علياء قمرون بعد تقديم بلاغات ضد عدد من صُنّاع المحتوى على مواقع التواصل الاجتماعي، بتهمة نشر فيديوهات تتضمن محتوى خادش للحياء ومخالف لقيم وأخلاقيات المجتمع.
