أول تعليق لـ التيك توكر علياء قمرون بعد القبض عليها: مفيش عليا حاجة والقبول من عند ربنا
ظهرت التيك توكر علياء قمرون عبر بث مباشر بحسابها بموقع تيك توك ليلة أمس السبت، بعد القبض عليها، معلقة: أنا متحبستش ومفيش ضدي أي حاجة.
أول تعليق لـ علياء قمرون
وقالت بائعة المناديل وصانعة المحتوي علياء شوقي، الشهيرة بـ علياء قمرون، في مقطع فيديو عبر حسابها بموقع تيك توك: مش هتحبس غصب عنكم، مش هتحبس.. أنا الحمد لله بفضل الله مفيش أي حاجة عليا، ولا طلعت بخدش حياء ولا ليا في ليا فيديو استغفر الله العظيم، وشكرًا لكل حد زعل عليا أو سأل عليا، انا فعلًا متحبسش.
وأضافت علياء قمرون: أنا طالعة اللايف دا مش عشان الدعم، أنا طالعة عشان أثبت للناس إن كل اللي اتقال اشاعات، والحمد لله أنا ماشية جنب الحيط، أنا متحبستس.. عملت إيه أنا عشان اتحبس، دا عشان ربنا والناس بيحبوني، وفي قبول رباني.
وقال شوقي العجمي والد التيك توكر علياء قمرون، في تصريحات خاصة لـ القاهرة 24: الحمد لله.. مش هبعت لها محامي أنا كنت عايز دا يحصل من البداية واللي مربتهوش الأيام والليالي يربيه القانون.
وأضاف: والدتها هي اللي بتشجعها على الشحاتة والتسول على السوشيال ميديا، وهي اللي بتشجعها على ظهورها بالتيكتوك، أنا استحالة أدور على بنتي علياء تاني، لإن ربنا عالم أنا عملت إيه عشانها في حياتي.
