صبري فواز: التيك توك الوحيد وراء بيان الحقيقة في فلسطين للعالم.. وسيلة مهمة أدانت الصهاينة
علق الفنان صبري فواز على المطالبات بحظر تطبيق تيك توك في مصر، بعد حالة الجدل التي أثيرت الفترة الأخيرة، بسبب المحتوى المسيء الذي ينشر عبر بعض الصفحات على هذه المنصة.
صبري فواز: التيك توك الوحيد وراء بيان الحقيقة في فلسطين للعالم.. وسيلة مهمة أدانت الصهاينة
وكتب صبري فواز منشورًا، عبر حسابه الشخصي بموقع التواصل الاجتماعي فيس بوك، قال فيه: وجهة النظر الصهيـونية هي اللي كانت سايدة في العالم كله، بسبب سيطرتهم التامة على كل وسائل الإعلام وشبكات التواصل الاجتماعي، واللي نبه العالم للحقيقة وقدم وجهة نظر مختلفة، خلت العالم كله يتعاطف مع فــلـسـطين ويدين الصـهـاينة كان التنيك توك.
وتابع صبري فواز: لأنه الوسيلة الوحيدة اللي برا سيطرتهم، يعني التيك توك وسيلة مهمة جدًا، أنتم اللي بتستخدموها غلط، فياريت نعقل كده ونشوف إحنا بنقول إيه وبنطالب بأيه قبل ما نسخن قوي.
وكانت ألقت الأجهزة الأمنية بوزارة الداخلية، أمس السبت، القبض على التيك توكر علياء قمرون، وجاء القبض على علياء قمرون بعد تقديم بلاغات ضد عدد من صُنّاع المحتوى على مواقع التواصل الاجتماعي، بتهمة نشر فيديوهات تتضمن محتوى خادش للحياء ومخالف لقيم وأخلاقيات المجتمع، وقال شوقي العجمي والد التيك توكر علياء قمرون، في تصريحات خاصة لـ القاهرة 24، عقب القبض عليها: الحمد لله.. مش هبعت لها محامي أنا كنت عايز دا يحصل من البداية واللي مربتهوش الأيام والليالي يربيه القانون، قائلًا: والدتها هي اللي بتشجعها على الشحاتة والتسول على السوشيال ميديا، وهي اللي بتشجعها على ظهورها بالتيكتوك، أنا استحالة أدور على بنتي علياء تاني، لإن ربنا عالم أنا عملت إيه عشانها في حياتي.
