والد علياء قمرون بعد القبض عليها: معرفش اتقبض عليها فين.. ومش عايز أعرف
قال شوقي العجمي، والد التيك توكر علياء قمرون، في تصريح خاص لـ القاهرة 24، عقب القبض على نجلته للمرة الثانية: معرفش اتقبض عليها فين.. ومش عايز أعرف، مؤكدًا أنه لا يتابع ما يحدث معها، ولا يرغب في التدخل بأي شكل في أزمتها.
والد علياء قمرون بعد القبض عليها: معرفش اتقبض عليها فين.. ومش عايز أعرف
وجاء القبض على علياء قمرون مجددًا، بعد ساعات من إخلاء سبيلها، على خلفية بلاغات مقدمة ضدها وعدد من صُنّاع المحتوى، تتهمهم بنشر فيديوهات تحتوي على محتوى خادش للحياء ومخالف لقيم وأخلاقيات المجتمع عبر مواقع التواصل الاجتماعي.
وكان والد التيك توكر قد أدلى بتصريحات سابقة لـ القاهرة 24 عقب القبض عليها في المرة الأولى، قال فيها: مش هبعت لها محامي، أنا كنت عايز ده من البداية، واللي مربتوش الأيام والليالي يربيه القانون.
كما أضاف في تصريحاته السابقة: والدتها هي اللي بتشجعها على الشحاتة والتسول على السوشيال ميديا، وهي اللي خلتها تظهر على تيك توك بالشكل ده، وأنا مستحيل أدور عليها تاني، لإن ربنا عالم أنا عملت إيه عشانها في حياتي، مؤكدًا أنه متبرئ منها تمامًا.
واختتم تصريحاته آنذاك قائلًا: دي بنت عاقة، ومحدش يقبل يكون عنده بنت بالمنظر ده، وأهم حاجة نيتي، وربنا مطلع على النوايا، وهو اللي يعرف مين المظلوم ومين لا.
