منظم الحفلات ياسر الحريري عن فيديو انفعال محمد رمضان على المسرح بحفله الأخير: غير مقصود
كشف منظم الحفلات ياسر الحريري سبب انفعال الفنان محمد رمضان، في حفله الأخير بالساحل الشمالي والذي نتج عنه وفاة شخص، وإصابة 6 آخرين، وذلك بعدما تداول رواد السوشيال ميديا فيديو له وهو مُنفعل ومتحدث خلاله بأن تكرار قفل الصوت عن قصد وذلك الأمر وقع قبل حدوث واقعة الضحية.
منظم الحفلات ياسر الحريري عن فيديو انفعال محمد رمضان على المسرح بحفله الأخير: غير مقصود
وتحدث ياسر الحريري خلال لايف عبر القاهرة 24 قائلا: الموضوع مكنش مقصود زي ما اتقال هي حاجة تقنية في الصوت بتحصل في كل الحفلات وضايقته، هو بيتنطط وفي حركة كتير والحفلة أغلبها الشو ف طبيعي إن المايك يتهز والصوت يحصل فيه حاجة.
ومن جانبه تحدث ياسر الحريري خلال تصريحاته مع القاهرة 24 عن الحفل خاصة بعد اتهام البعض بأن الحادث بسبب سوء التنظيم حيث قال قائلًا: المنظم دوره إنه يجيب الفنان اللي الشركة عاوزاه ودورنا ننسق بين الحفلة والفنان، ومش مهمة المنظم إنه يتدخل في شغل الڤاير وركس، ومحمد رمضان هو اللي متفق مع الشركة دي لأنه بيتعامل معاهم من سنين، وفي النهاية اللي حصل قضاء وقدر ولكن الخضة كانت كبيرة ولازم ندعي للمتوفى لأنه كان رايح يعمل شغله.
وتابع ياسر الحريري: اتعقدت من الفاير ووركس وممكن ألغيهم من حفلاتي الجاية.. بس لو كلنا فكرنا كدة مش هنشتغل لأن الموضوع قضاء وقدر.. وشايف إننا نعمل في مصر هيئة زي هيئة الترفيه ويكون فيها فنيين متخصصين في كل مستزلمات الحفلات ولجنة فنية.
