هيدي كرم بعد اكتمال مبلغ علاج الطفل علي المصاب بضمور العضلات: رجعتوا أملي في الإنسانية
أعربت الفنانة هيدي كرم عن سعادتها الغامرة بعد اكتمال مبلغ علاج الطفل علي، المصاب بضمور في العضلات، مشيرة إلى أن حالة التضامن والدعم التي شهدتها الحملة أعادت إليها الإيمان بالإنسانية.
وقالت هيدي في مقطع فيديو نشرته عبر حسابها على إنستجرام: لمينا الفلوس.. مش قادرة أقولكم السعادة اللي أنا فيها، فخورة إننا مصريين، وفخورة بإنسانيتنا، فيه ناس اتبرعت وأنا معرفش جنسيتهم، ورجال أعمال تدخلوا، وبقى عندي أمل في الإنسانية من تاني، إحنا وقت الجد مش بنهزر، ربنا يخلينا لبعض، أنتوا رجعتولي إيماني وأملي في الناس.
وأضافت هيدي كرم: أختي كلمتني وقالتلي إن فيه ناس اتبرعت بـ100 و50 جنيه، إنتوا متخيلين الخمسين جنيه عند ربنا عاملة زي؟ فيه ناس اتبرعت بآخر فلوس معاهم، ومش هيجيبوا حاجة للبيت علشان يتبرعوا، إن البني آدم ياخد من لحمه الحي ويحرم نفسه وولاده علشان يساعد غيره، دي حاجة كبيرة أوي عند ربنا.
أول تعليق من والد الصغير علي المصاب بالضمور العضلي الشوكي
وخلال الفترة الماضية، ناشدت أسرة الطفل التفاعل مع حملتها لجمع التبرعات من أجل الحصول على حقنة زولجينزما الأغلى في العالم لعلاج مرض ضمور العضلات الشوكي، الذي يهدد حياة ابنهم، وبعد أيام من الدعم والتضامن الواسع من المصريين داخل وخارج البلاد، تحقق الحلم.
وخلال الساعات الماضية، أعلن والد علي المصاب بضمور العضلات الشوكي، اكتمال حملة التبرعات وتكاليف علاج نجله الصغير.
وقال والد الصغير في تصريحات خاصة لـ القاهرة 24: كان بالنسبة لنا حلم مستحيل ومش مصدقين لحد دلوقتي، والحمد لله وبفضل ربنا جمعنا المبلغ المطلوب لتكاليف علاج علي بعد ما كان شيء مستحيل، ومن شهر 6 وإحنا بناشد الناس بالتبرع لـ علي ابننا والحمد لله صوتنا وصل بفضل ربنا وكرمكم.
