عميلة طلبت أوردر وقفلت التليفون.. عامل دليفري يروي موقفًا غير إنساني في المعادي: اتقوا الله أنا بني آدم زيكم
في ظل ظروف العمل القاسية التي يتحملها كثيرون من سائقي خدمات التوصي، خاصة تحت حرارة الصيف المرتفعة، تكررت مؤخرًا شكاوى عدد من العاملين في هذا المجال، مطالبين بقدر أكبر من الاحترام والتقدير لمجهوداتهم، وبتعامل أكثر إنسانية من بعض العملاء.
عامل دليفري يروي موقفا غير إنساني من أحد العملاء في المعادي
روى عامل دليفري واقعة أثارت غضبه وإحباطه، قائلًا: فيه بنت من نادي اليخت بالمعادي، طلبت أوردر، وبعد ما اتواصلت معاها، قفلت التليفون، وكل لما أكلمها تاني، تقولي الرقم غلط.
وواصل عبر حسابه على فيسبوك: طب إزاي تطلبي أوردر وتقفلي تليفونك؟! وبعدها فضلت أرنّ عليها كتير ومفيش أي رد، وأنا مش عارف أوصلها، طب مين يشيل تمن الأوردر ده.. أنا؟
ولم تكن هذه الحالة الوحيدة، فبحسب حديثه، سمع من عامل دليفري آخر يعمل في نفس الخدمة، أن أحد العملاء كرر نفس التصرف، حيث طلب أوردر، ثم أغلق هاتفه، دون أي اعتبار للجهد والوقت المبذول.
وأضاف السائق: المفروض إن الناس دي متعلمة وواعية، بس اللي بيحصل معانا عكس كده تمامًا، إحنا مش أقل من أي حد، وبنشتغل بكرامة علشان نكسب رزقنا بالحلال، فحرام اللي بيحصل ده اتقوا الله فينا، إحنا من بني آدم زيكم.
وهذه الشكاوى تفتح الباب مجددًا للحديث عن أهمية احترام مهنة التوصيل والعاملين فيها، الذين يُعدّون حلقة أساسية في حياتنا اليومية، ويستحقون تقديرًا لا يقل عن أي مهنة أخرى.
