كريم عبد العزيز: مبحبش تصنيف الممثل.. وأتمنى دور المرأة في الدراما يرجع زي زمان
علق الفنان كريم عبد العزيز، على أجور الفنانات في الدراما المصرية، بجانب الحديث عن تصنيف الممثلين في إطار معين من الأدوار.
وقال كريم عبد العزيز، في تصريحات تليفزيونية: الممثل اللي بيعود الجمهور على شيء معين مش شيء سليم، أنا بحب التنويع من بداياتي، وأنا مبحبش الممثل اللي يتصنف، الممثل يعمل أي دور، ومفيش فنان بيتطمن وعايز يقف عند حاجة معينة، أنا طول الوقت خايف وعندي حالة قلق وعايز أجدد وأفتح مناطق جديدة وأقدم للجمهور شخصية جديدة عليا.
وتابع كريم عبد العزيز: الفن إحساس ومن أجمل مميزاته إن مفيش فيه صح وغلط، اللي هحسه هعمله وعملت كده قبل كده، وأنا بحب إن اللي حواليا يبقوا حقيقيين ومبحبش اللي يجاملني، ومفيش فنان في حياته بالكامل عمل أفلام حلوة.
أما عن قلة أجور الفنانات في الوسط الفني عن زملائهم الفنانين الرجال، فعلق كريم عبد العزيز: ده حقيقي، وفي الوطن العربي والعالم بشكل عام، دور المرأة في الدراما أقل من ما كان زمان، أتمنى الأمور ترجع والحياة مش رجالة بس.
آخر أعمال كريم عبد العزيز
وعلى جانب آخر، يعرض حاليًا للفنان كريم عبد العزيز فيلم المشروع X، الذي تصدر شباك التذاكر منذ طرحه، والعمل من بطولة الفنان كريم عبد العزيز، والفنانة ياسمين صبري، إياد نصار، أحمد غزي، عصام السقا، إلى جانب عدد من ضيوف الشرف المميزين، أبرزهم هنا الزاهد وماجد الكدواني، والفيلم من تأليف وإخراج بيتر ميمي.
