لبنى عبد العزيز من احتفال عيد ميلادها الـ 90: سعيدة إني لسه عايشة لحد دلوقتي
وصلت منذ قليل الفنانة لبنى عبد العزيز، إلى ندوة تكريمها من مبادرة أرواح في المدينة لـ محمود التميمي، المقامة في الجامعة الأمريكية، ويأتي هذا التكريم تزامنا مع احتفالها بعيد ميلادها الـ 90.
وقالت الفنانة لبنى عبد العزيز خلال الندوة: أنا سعيدة إني لسة عايشة لحد دلوقتي.. ربنا عايز كده.
لبنى عبد العزيز من احتفال عيد ميلادها الـ 90: سعيدة إني لسه عايشة لحد دلوقتي
وأردفت، كاشفةً ذكرياتها مع جمال عبد الناصر: أول مرة طلبوا مني أقدمه هنا على نفس المسرح بالجامعة الأمريكية.. ولما قدمته، طلب منهم تاني أني أجي أقدمه وقالهم هاتولي نفس البنت اللي قدمتني المرة اللي فاتت وقدمته لتاني مرة.
وأضافت لبنى عبد العزيز: الحقيقة أنا كنت دايما بعمل العكس بتاع التيار، أنا كنت بمشي ضد أي حاجة كله كان بيدخل جامعة القاهرة في الأعمال الفنية، علشان كده عرضت إن شخصيتي في فيلم أنا حرة تكون في الجامعة الأمريكية ووافقوا.
لبنى عبد العزيز
يذكر إنه تحتفل لبنى عبد العزيز بعيد ميلادها في شهر أغسطس الجاري، وحرص جمهور الندوة المقامة الآن تحت إشراف مبادرة “أرواح في المدينة”، بالجامعة الأمريكية، على الاحتفال بـ لبنى عبد العزيز فور صعودها على المسرح، والهتاف بأغاني عيد الميلاد الشهيرة.
