أهل طليقي مسألوش على عيالي بعد وفاته.. البلوجر لولا فاني ترد على مُنتقديها: أنا مش بشحت
ظهرت البلوجر لولا فاني في بث مباشر عبر صفحتها الشخصية عبر منصة فيسبوك للتواصل الاجتماعي، ترد على منتقديها بسبب رسائل شديدة اللهجة تتهمها بالتسول وإثارة الجدل على مرمى مئات آلاف المتابعين على السوشيال ميديا.
البلوجر لولا فاني ترد على مُنتقديها بسبب رسائل تتهمها بالتسول
وقالت لولا خلال بث مباشر لها: أهل طليقي مسألوش على عيالي بعد وفاته، وأنا مش بشحت على السوشيال ميديا بقدم محتوى كوميدي والفيديوهات دي أكل عيشي أنا وعيالي، عايزة أعلمهم وأربيهم.. اتعرض عليا مساعدات بالملايين من ناس في مناطق كتير لكني رفضت في عز ما أنا كنت محتاجة، وأتعرض عليا اطلع لايفات تيك توك واتقالي هتتعالجي بـ فلوس الدعم ومقبلتش أنا مش بتاعت شحاتة وعندي محتوى.
وأضافت لولا باكية: ربنا بيرزقني وأنا مش هشحت من حد.. واللي مش عجبوا المحتوى بتاعي يطلع من حسابي، وأوضحت: ورث طليقي مراحش لـ ولادي وناس تانية أخدوه، واللي قعدت أبني فيه مراحش لولادي، واللي أخد فلوس طليقي عارف أنها مش فلوسه، أنا متكفلة بـ كل تكاليف ولادي والفلوس اللي طليقي كان بيدهالي كانت 4000 آلاف فقط.. وأنا قاعدة في شقة إيجارها 7500 جنيه.
وتابعت: الناس بتتهمني أني أخدت وفاة طليقي محتوى، وأنا فضلت قاعدة في الشارع يومين على أمل أنه يطلع عايش وفي صفحات تانية استغلت وفاته عشان تعلي الريتش.. لكن أنا معملتش كدة وكنت عايزة الناس تدعيله فقط، أختتمت: مش طالعة اشحت ومش هاخد فلوس من حد، وبشتغل على السوشيال ميديا عشان ولادي، ومش هقبل مُساعدات من حد.
تعليق البلوجر لولا فاني على وفاة طليقها
والجدير بالذكر أن البلوجر لولا فاني قد نشرت سابقًا عبر فيسبوك بث مباشر عقب وفاة طليقها ووالد أطفالها، قائلة: صفحات كبيرة وعليها متابعين كتير بتهبد، بيقولوا إن ضياء مات بسبب السحر أو الحسد، لأ دا قضاء ربنا واتكتب عليه يموت في اليوم ده، مهما كان مكانه.
وأضافت خلال الفيديو: محدش يتكلم عن ضياء نصف كلمة، ده راجل في دار الحق، أنا مسامحاه ومش زعلانة منه، ولا زعلانة من أسرته، هو دلوقتي توفي وخلاص، صفحات كبيرة بتكذب وبيقول إنه كان بيتصل بـ مراته تحت الأنقاض، مافيش الكلام دا، فيه ناس طلعوا أحياء، لكن هو ربنا أراد إنه يطلع ميت.
واختتمت الفيديو، قائلة: ربنا يرحمه ويغفر له ويسامحه ومش عايزين أي حاجة غير إنكم تدعوا له، بلاش كذب الصفحات اللي عايزة تتطلع تريند على أي حاجة، اكتفوا بالدعاء له وماتهبدوش، وكذلك جاء تعليق البلوجر لولا فاني على مُروجي شائعات وفاة طليقها بسبب السحر الذي تداول عنها من قبل خلال صفحات التواصل الاجتماعي.
