أحمد شوبير يكشف حقيقة طلب الشناوي الرحيل عن الأهلي وموعد عودة إمام عاشور
كشف الإعلامي أحمد شوبير، عن حقيقة طلب محمد الشناوي، الرحيل عن النادي الأهلي خلال الفترة المقبلة وموعد عودة إمام عاشور.
تصريحات أحمد شوبير
وقال أحمد شوبير في تصريحات تليفزيونية: الشناوي قال لمسؤولي الأهلي أنا مش قاعد وماشي في يناير.. طب اللي بيقول الكلام ده هو أنت سمعت بنفسك؟ ولو في لاعب بيسربلك يبقى هو بيوقّعك وفي شياطين مننا بيزرعوا الفتنة.
وأضاف: من المحتمل تواجد إمام عاشور على مقاعد البدلاء في مباراة فاركو أو يشارك في المواجهة التالية أمام غزل المحلة.
وتطرق شوبير في حديثه عن مديونيات الأندية لـ ستاد القاهرة قائلا: عندي سؤال دلوقتي وعايز إجابة مين من الأندية اللي عليه مديونيات لاستاد القاهرة وبقاله سنتين؟.. أنا هستنى لحد بكرة لو ملقتش رد هطلع أقول مين وبالأرقام.
وكان النادي الأهلي تعادل مع مودرن سبورت بالأمس بهدفين لكل فريق في الجولة الأولى من مسابقة الدوري الممتاز لموسم 2025-2026.
ويستعد الأهلي لخوض مباراته المقبلة أمام فريق فاركو يوم الجمعة المقبل ضمن منافسات الجولة الثانية من مسابقة الدوري.
