حسني عبد ربه يشارك في عمومية سحب الثقة من مجلس إدارة الإسماعيلي
بادر حسني عبد ربه نجم نادي الإسماعيلي السابق بالمشاركة في الجمعية العمومية غير العادية المقامة اليوم في مقر قلعة الدراويش؛ لسحب الثقة من مجلس الإدارة الحالي للنادي والذي يترأسه المهندس نصر أبو الحسن.
تصريحات حسني عبد ربه
وفي تصريحات لـ القاهرة 24، قال حسني عبد ربه: أنا جيت النهاردة من السفر مخصوص عشان إحنا جمعية عمومية وأنا راجل ليا صوت، وعشان الأمانة لازم أنزل وأدي صوتي طول ما أنا شايف إن فيه غلط في نادي الإسماعيلي.
ودعا حسني عبد ربه جميع أعضاء الجمعية العمومية من أجل المشاركة اليوم والإدلاء بأصواتهم فيما يتعلق بشأن النظر في طرح أو تجديد الثقة في المجلس المنتخب للدورة 2023-2027.
وواصل: لازم كل أعضاء الجمعية العمومية ينزلوا ويشاركوا، ودي آخر فرصة لينا إننا نقول رأينا ونقول إن المجلس ده للأسف مش قد الأمانة، وبعد كده محدش هيلوم غير نفسه لو حصل أي حاجة.
وأضاف: أنا مش ضد حد شخصيًا ولكن ضد الأسباب اللي وصلت النادي الإسماعيلي للظروف دي، وبشكر الدولة المصرية ووزارة الشباب والرياضة وحاليًا دورنا إحنا لازم يبان، وطول عمرنا هنفضل ورا كيان الدراويش والإسماعيلي ملك جماهيره ويستحق أكتر من كده.
