ملحقوش يفرحوا ببنتهم وولادهم ميعرفوش خبر الوفاة.. إحدى أقارب ضحايا حادث الشاطبي تكشف تطورات الحالة الصحية للمصابين
تصدر حادث الشاطبي تريند منصات التواصل الاجتماعي خلال الساعات القليلة الماضية بعد وفاة 2 من أسرة واحدة بسبب تصادم ميكروباص بهم خلال عبورهم طريق الكورنيش بـ منطقة الشاطبي بـ الإسكندرية.
إحدى أقارب ضحايا حادث الشاطبي تكشف آخر تطورات الحالة الصحية للمصابين
وقالت إحدى أقارب ضحايا حادث الشاطبي فى تصريحات خاصة لـ القاهرة 24: حالات المصابين حرجة ومحدش منهم يعرف بوفاة الأهل خالص ومتبلغوش لحد دلوقتي، الناس اللي بتلوم على العيلة اللي ماتت دول ياجماعة كان بقالهم زمن مراحوش إسكندرية عشان كده مش عارفين يتصرفوا إزاي بلاش لوم عليهم.
وأضافت: الحادثة حصلت بعد ربع ساعة من وصولهم إسكندرية وميعرفوش إن فيه لوحات استرشادية ولا آخر التطورات اللي حصلت في إسكندرية عشان كده كانوا بيعدوا الطريق وبنتهم كانت لسه متخرجة من طب أسنان ملحقوش يفرحوا بيها.
وتلقت الأجهزة الأمنية إخطارا عن وقوع حادث تصادم ميكروباص في طريق كورنيش الإسكندرية الجهة المؤدية إلى محطة الرمل، وانتقلت قوات قسم شرطة باب شرقي وسيارات الإسعاف لموقع البلاغ.
وتبين وقوع مصابين في الطريق العام، حيث صدم ميكروباص مجموعة من الأشخاص كانوا يستعدون لعبور الطريق في منطقة الشاطبي، ما تسبب في إصابتهم.
