اشتغلت 5 أيام وباظت.. سيدة تشكو من ثلاجة يونيون إير: محدش يشتري منهم
عبرت سيدة عن استيائها من شركة يونيون اير للأجهزة الكهربائية، بسبب تلف ثلاجتها بعد 5 أيام فقط من تشغيلها، وسوء معاملة ممثلي الصيانة.
سيدة تشكو من ثلاجة يونيون إير وسوء خدمة ما بعد البيع
وشاركت سيدة عبر حسابها منشورًا كتبت فيه: محدش يشتري أجهزة من يونيون إير بجد يعني إيه تلاجة عروسة متشتغلش 15 يوم على بعض!!!
اشتريت تلاجة يونيون إير كومبي وأنا عروسة بقالي شهر ونص تلاجتي باظت خامس يوم الفرح وكل الأكل اللي فيها باظ.
وتابعت: الأول التلاجة من فوق مبقتش تسقع أي حاجه خالص وكل اللي فيها باظ وبعدها بيومين الفريزر باظ ومبقاش شغال سجلت بلاغ وبعتولي فني قالي الكباس عايز يتغير تلاجه اشتغلت 5 ايام يتغيرلها كباس وفضلنا نحاول مع الشركة نستبدل التلاجة قالو مينفعش عشان دا اول عطل والتلاجة مش بتتغير غير لو اتغير مرتين قطعة غيار غير كدا بتتصلح عادي رضيت وقولت ماشي الفني يجي يصلحها.
وأضافت: واتصلحت اشتغلت 10 أيام وباظت تاني ومبقتش تسقع بردو سجلت بلاغ والفني جه قال في انسداد في الكابينة العلوية كلمنا الشركه إننا خلاص تاني عطل يحصل في التلاجة أهو نغيرها بقى عشان دا عيب صناعة قالوا لا مينفعش لازم عشان تتبدل يكون هتتغير قطعة غيار لكن دا تنضيف فلتر عادي فضلنا مصممين على كلامنا إننا عايزين نبدل التلاجة فضلت أحاول معاهم أسبوع ومرضيوش لحد ما قفلو البلاغ من نفسهم ولما كلمتهم خليتهم فتحو البلاغ تاني وكل ما اقولهم نبدل التلاجه يقولوا طب الإدارة هتتواصل معاكي ومحدش بيتواصل ولا حد بيتكلم قولتلهم خلاص ابعته فني يصلحها بعتو فني جيه يصلحها يوم التلات وصلحها وباظت تاني النهاردة وفصلت خالص حتي الفريزر مش شغال وصوتها عالي اوي وفيها زنه عالية.
