حالتهم خطيرة.. أول تعليق لمصور فيديو حادث فتيات طريق الواحات|خاص
تصدر حادث فيديو مطاردة عدد من الشباب علي طريق الواحات لـ سيارة بها 3 فتيات تريند مواقع التواصل الإجتماعي خلال الساعات القليلة الماضية، وتتبع الشباب سيارة الفتيات بعد خروجهن من أحد الكافيهات بـ أكتوبر بغرض مضايقتهن، ما تسبب في اصطدام السيارة بأخرى، ونقل الفتيات للمستشفى، وأثار الفيديو حالة غضب واسعة بين مستخدمي السوشيال ميديا.
حادث فتيات طريق الواحات
وقال مصور فيديو حادث طريق الواحات: البنات كانوا طالعين من كافية مشهور في أكتوبر، ومشي وراهم 3 عربيات فيهم شباب قاصدين مضايقتهم طبعا، وفضلوا ماشيين وراهم لحد طريق الواحات عند منطقة المصانع.
وأضاف: البنت اللي بتسوق حاولت تعدي من الـ 3 عربيات بس معرفتش، مسابوهاش في حالها، لدرجة أن البنت اتخضت لما زنقوا عليها في الآخر وشكل سواقتها على قدها عشان كده مكنتش عارفة تتصرف، فجأة البنت دخلت في عربية قدامها والزجاج بتاع عربيتها كله اتكسر عليهم.
وتابع: البنات دلوقتي في المستشفى وحالتهم خطيرة واحدة منهم الزجاج دخل في وشها ومحتاجة عملية تجميل للوجه لأنها اتشوهت، ادعولهم ربنا يشفيهم والمذنبين هياخدوا حسابهم إن شاء الله.
