والد صغير من ذوي الهمم يزعم إهانة والد زيزو لابنه خلال التقديم لمدرسة بالمنيا
زعم مصطفى أحمد حسن، والد طفل من ذوي الاحتياجات الخاصة مصاب بضمور في العضلات، بإهانة والد لاعب النادي الأهلي أحمد سيد زيزو، ابنه وحرمانه من حقه في الالتحاق بمدرسة حكومية بالمنيا بسبب حالته الصحية.
والد صغير من ذوي الهمم يزعم إهانة والد زيزو لابنه خلال التقديم لمدرسة بالمنيا
وقال والد الطفل في تصريحات خاصة لـ القاهرة 24: رحت أقدم لابني في مدرسة حكومية، وكنت عايز أحوله هناك، ومكنتش أعرف مين المدير، ولا مهتم بكرة القدم، لكن لما رحت أقدم شكوى في النيابة عرفت إنه والد زيزو، حسب أقواله.
وادعى والد الطفل: المدير سألني ابني فين عشان يمتحنه، قولت له ابني معاه بيان نجاح، لكن بيعاني من ظروف خاصة وصعب يجي، وطلبت نعمل الامتحان في الدور الأرضي عشان حالته، لكنه رد عليّ بأسلوب جاف، وقال إن الصف السادس هيكون في الدور التالت، وممنوع أي حد غريب يدخل المدرسة.
وأضاف والد الطفل: اتصدمت لما قال لي خلي ابنك يسيب مكانه لحد أولى يطلع دكتور أو مهندس، وكأنه بيستهزأ بابني، وحسسني بالعجز، مع إن ابني عقله سليم وطبيعي، ومشكلته بس في الحركة.
وأشار إلى أن الطفل شعر بصدمة وحزن شديد لأنه من محبي زيزو، قائلًا: ابني زعل وعيط لما عرف اللي حصل، وأنا حسيت إني اتكسرت من جوه، وأبو زيزو قتلني معنويا ونفسيا.
