تريند أم محاولة تخدير.. مصدر أمني يوضح حقيقة ادعاء فتاة تعرضها لمحاولة تخدير داخل ميكروباص بالإسكندرية
كشف مصدر أمني أن واقعة ادعاء فتاة تعرضها للتخدير داخل ميكروباص خط العجمي في الإسكندرية، ما زالت قيد التحقيقات، لكشف إذا ما كان ادعاء الفتاة غير صحيح ويهدف لتحقيق تريند، أم أن المتهمة التي تم التحفظ عليها بعد اتهام الفتاة أقدمت على التعرض لها بالفعل.
التحفظ على سيدة متهمة بتخدير فتاة داخل ميكروباص بالإسكندرية
وأضاف المصدر أن الجهات الأمنية ما زالت تتحفظ على السيدة التي اتهمتها الفتاة بمحاولة تخديرها، وذلك حتى الانتهاء من التحقيقات وكشف التفاصيل.
وكانت قد نشرت فتاة تدعى آية عبر صفحتها على موقع التواصل الاجتماعي فيسبوك، منشورًا ادعت فيه تعرضها لمحاولة تخدير داخل ميكروباص بخط الهانوفيل في العجمي بالإسكندرية من قبل سيدة.
وحررت الفتاة محضرًا بالواقعة، في قسم شرطة الدخيلة برقم 10024 لسنة 2025، وجارٍ التحقيق في الواقعة لمعرفة ملابساتها، وتم التحفظ على المتهمة حتى انتهاء التحقيقات.
وكشفت الفتاة في منشورها تفاصيل الواقعة قائلة: جماعة خلو بالكم من نفسكم وبلاش تركبوا عربيات فاضية وبلاش تركبوا لوحدكم، أنا ركبت إمبارح من الهانوفيل للمنشية والميكروباص كان فيه 4 أفراد وبدأ يحمل من البيطاش.. والست دي ركبت من البيطاش هيا شكلها متسولة، وقعدت في الكنبة اللي ورا خالص، وبعدين جت قعدت جنبى رغم إن كان في أماكن كتير فاضية.
وأضافت الفتاة في منشورها: الست خدرتني جابت منديل على وشى ومالت عليا قالتلي متخافيش متخافيش.. أنا لولا ستر ربنا بعدت بسرعة وقاومت لأني عارفة ريحة البنج قولت للسواق على جنب، ونزلت ومن الخوف كنا كده وصلنا الورديان وأول ما حطيت رجلي على الأرض لقيت نفسي شبه بتشل جسمي بيبدأ ينمل ودماغي تقلت ومش عارفة أتكلم لساني تقل، قولت للسواق أفتح الباب جمبك خدني جمبك.. وكان في واحد راكب جمبه قولت للسواق أبوس إيدك خليك جمبى لحد ما أفوق أنا اتخدرت قالي اللي راكبة ورا دي قولتله اه.
واستكملت: بجد ربنا يجازيه خير مسك الست هو و2 ركاب كانوا شهود وبجد محدش فيهم سابني لحد ما روحت القسم والست طلعت مسجلة، وشكرًا لكل الجهات الأمنية والنيابة اللي وقفوا معايا.
