أبرز تصريحات علاء زينهم: معنديش أمل ولا حلم.. ونفسي أقدم السيرة الذاتية لـ صلاح جاهين
حل الفنان علاء زينهم، ضيفًا على الإعلامية آية عبد الرحمن، في برنامج إكسترا، المذاع عبر شاشة قناة إكسترا نيوز، وتحدث عن مشواره الفني وحياته الشخصية وتريند الثانوية العامة وتفاصيل عمله بالعراق وعمله كسائق تاكسي خلال فترة عمله مع الزعيم عادل إمام، وغيرها من تفاصيل حياته.
ونرصد لكم أبرز تصريحات الفنان علاء زينهم في برنامج إكسترا، والتي جاءت على النحو التالي:
أبرز تصريحات علاء زينهم
- أنا من صغري متكل على الله ومعنديش أمل ولا حلم، ربنا مديني أكتر من ما أتمنى فبطلت أتمنى.
- أنا معنديش مشاكل مع حد حتى اللي بيكسر بخاطري بعديها.
- اللي كان بيتريق على وزني كنت بضحك معاه ومبزعلش.
- كانوا بيقولوا التخين ميقدرش يتحرك، أنا كنت بشتغل في شركة مقاولات وبمشي 8 كيلو رايح جاي.
- كنت بشتغل موظف وبعدين سواق تاكسي، وبعدين أشتغل مسرح مع الزعيم عادل إمام.
- عادل إمام كان بيفتخر بيا وأشاد بقصة كفاحي.
- مبزعلش من التريند بتاع صورتي مع بنتي في الثانوية العامة، هي جابت 97% وكل سنة بجدد المباركة.
- تريند الثانوية العامة مفيش فيه إهانة.
- نفسي أقدم السيرة الذاتية لـ صلاح جاهين، حاسس أني هبقى شبه لما أكبر وهو بيحب الناس أوي.
- الوحيد اللي اتمنيت أمثل معاه ومحصلش هو أحمد زكي، وبفضل الله اشتغلت مع كل نجوم مصر.
- مش شايف أن لازم اسمي يبقى منفرد على التتر لوحدي، الرزق بتاع ربنا.
