معاشي 600 جنيه ومش عايزة دار مسنين.. نجوى فؤاد تستغيث بوزير الثقافة
استغاثت الفنانة نجوى فؤاد، بوزير الثقافة والمسؤولين، طالبةً الانتباه لأوضاع الفنانين والفنانات الذين أضاعوا عمرهم في مشوار فني كبير ومازالوا يأخذون ملاليم، حسبما وصفت.
وقالت نجوى فؤاد خلال مداخلة تليفزيونية لـ برنامج بنظرة تانية: نداء لوزير الثقافة إنه ينتبه لينا الفنانين اللي عملوا مشوار كبير وبياخدوا ملاليم.. عايزين نعيش عيشة آدمية ومش عايزة أقعد في دار مسنين ومعنديش بيت مِلك والأدوية والدكاترة بقوا غاليين.
وتابعت نجوى فؤاد: بدور على مشروع صغير لأن معاشي 600 جنيه في الشهر، دول ميجيبوش عيش، هدور على حاجة أشتغلها، قضيت عمري كله في المشوار الفني، مع الناس اللي حبتني، هسعى على شغل واللي يدور يلاقي، والأعمار بيد الله محدش عارف عمره إمتى.
نجوى فؤاد: أعاني من تآكل في الركبتين
وفي سياق آخر، سبق وكشفت نجوى فؤاد تطورات حالتها الصحية، مشيرةً إلى إنها تمر بأزمة شديدة بسبب وجود تآكل في ركبتيها الاثنتين، حيث قالت: الحمد لله أنا أحسن شوية ولكن في تآكل في الركبتين عندي وده بياخد وقت لفترة العلاج وممكن أخضع لعملية جراحية خلال الفترة المقبلة لأن لازم أعمل عملية فيهم، مشيرة أنها لم تُحدد حتى الآن الموعد النهائي للعملية مع الدكتور الخاص به.
