أقل واجب تجاه بلدنا.. أحمد ناصر عضو اتحاد المصريين بالخارج يكشف تفاصيل التصدي لمحاولة حصار سفارة مصر بهولندا
تصدى اتحاد شباب المصريين في الخارج في هولندا لمحاولة عدد من الأشخاص حصار السفارة المصرية في حضور أفراد من الشرطة الهولندية.
اتحاد شباب المصريين يكشف تفاصيل التصدي لمحاولة حصار سفارة مصر في هولندا
وقال أحمد ناصر لاعب الزمالك السابق في تصريحات خاصة لـ القاهرة 24 عن محاولة التصدي للأفراد الذين حاولوا حصار سفارة مصر في هولندا: اللي عملته ده أقل حاجة تجاه بلدي والمجموعة دي بتحاول أنها تجيب مصر في أي مشكلة، عندهم مخطط عايزين ينفذوه، والنهاردة كانوا جايين متنكرين عشان يعملوا مشكلة ورفعوا لافتات مسيئة على الرصيف المقابل للمبنى وسط تواجد لأفراد الشرطة.
وتابع: وإحنا وقفناهم عند حدهم كـ اتحاد شباب المصريين في هولندا وشاركنا في حماية وتأمين السفارة ومنع أي محاولة اعتداء عليها، وعملنا اللي مفروض أي مصري يعمله تجاه سفارة بلده، في الغربة لازم نحافظ على أرض البلد دي ونحميها واللي هيجي عند سفارة بلدنا هيتفرم ودي رسالة ليهم.
واستكمل: الناس دي بتهاجم سفارات مصر وإحنا بدورنا اتحاد الشباب المصري أننا نتصدى للناس دي ونوقفهم عند حدهم وهما بيستغلوا الدبلوماسية اللي موجودة في هولندا وبيقوموا بأعمال الشغب دي، بس إحنا وأي مصريين في ضهر بلدنا وهنحميها منهم.
