ميدو: الزمالك أفضل من الأهلي وبيراميدز.. وعبد الله السعيد آخره يشارك نص ساعة

كشف أحمد حسام ميدو عضو لجنة التخطيط السابق بالزمالك، التشكيل الأمثل للفريق الأول لكرة القدم بعد سقوطه في التعادل السلبي مع المقاولون العرب، ضمن منافسات الجولة الثانية من مسابقة الدوري الممتاز.

يقدمه ميدو.. قناة النهار تطلق برومو تشويقي لبرنامج أوضة اللبس

ميدو: الزمالك لما بيبقى كويس الدوري بيكون ليه طعم

ميدو: الزمالك أفضل من الأهلي وبيراميدز

كتب ميدو عبر حسابه الشخصي على موقع إكس: الزمالك عنده فريق محترم وجاب لاعيبة كويسة، وكل المشاكل اللي كانت بتواجه الفريق برة الملعب وكانت مأثره علينا بشكل كبير معظمها اتحل.

وتابع: رأيي إن الزمالك أفضل دفاعيًا من الأهلي وبيراميدز، دلوقتي الفريق عنده دكة كويسة بس لازم نلعب بأحسن 11 ويتثبتوا، لازم نلعب بصبحي، عمر جابر، محمود الونش، حسام عبد المجيد، محمود بنتايك، محمد شحاته، آدم كايد، ناصر ماهر، شيكو بانزا، وألڤينا وعدي الدباغ وعبد الله يلعب آخر نص ساعة.

واختتم ميدو: مفيش إلا ماتشين الأهلي وماتشين بيراميدز بس اللي ممكن تلاعب شحاته 8 فيهم، غير كدة مع احترامي لكل فرق الدوري مفيش ولا فرقة عندها اللاعيبة يعني اللي تخليك تلعب بدونجا وشحاته مع بعض في نص الملعب.

وكان ميدو شن هجومًا على البلجيكي يانيك فيريرا مدرب الزمالك، بعد التعادل مع المقاولون حيث كتب: أي مدرب يبدأ بدونجا في تشكيل الزمالك تعرف إنه مدرب مبيعرفش يقيم اللاعيبة كويس.

وأضاف: أي مدرب يبدأ بناصر ماهر جناح أيمن بالذات بعد ماتش سيراميكا، تعرف إنه مش عايش معانا، وأحمل ضياع نقطتين مهمين جدًا لمدرب الزمالك وبصراحة كلمة فيريرا مش قادر أنطقها.

وواصل ميدو: خسارة عدم استغلال الانطلاقة الجيدة للفريق أمام سيراميكا، والدوري لسه طويل بس منافسين الزمالك شرسين وما بيضيعوش نقاط بسهولة والموسم ده مش محتاج أخطاء زي الأخطاء اللي حصلت إمبارح، العب بتشكيل صح، وبلاش فتي.