لغوا خطوط كتير وغيروا المواعيد.. شكاوى ضد تطبيق أوبر فى مصر: الباص بيوصلنا الشغل في ساعتين
عبر عدد من مستخدمي السوشيال ميديا عن استيائهم من شركة Uber أوبر في مصر بسبب تأخر وصول السيارات والأتوبيسات عن موعدها، وتغيير خط سيرها المعتاد بجانب إلغاء حجز العملاء دون إبلاغهم مسبقًا.
شكاوى ضد تطبيق أوبر في مصر
وشاركت إحدى مستخدمات Uber bus فيديو عبر حسابها على تيك توك قائلة: يا جماعة بجد مبقتش عارفة أركب Uber bus خالص كل شوية بنغير المواعيد من غير ماحد يبلغ أو بيلغي الحجز لوحده أو أنتظر كتير وفي الآخر ميجيش ليه؟! ما الدنيا كانت جميلة ولذيذة في الأول إيه اللي حصل.
وأضافت: الكارثة الأكبر كمان إن أوبر باص بقى بيغير كل شوية خط سير يعني بدل ما بروح الشغل في ساعة بالطريق العادي بقيت بروح فى ساعتين طب ليه إيه الهدف بس؟
وشاركت فتاة أخرى عبر حسابها بمنصة تيك توك فيديو قالت فيه: أوبر بجد أسوء تطبيق دلوقتي فى مصر، بمجرد ماتطلب الرحلة لازم تستني على الأقل 20 دقيقة لحد ما يجيلك حد يبص فى وشك طب ليه ؟! بدل الفرهدة دي طب ماتلغي الرحلة أسهل ليه السواقيين بيتأخروا علينا بالشكل ده.
وقالت إحدى مستخدمات أوبر عبر فيديو لها بمنصة تيك توك: يا جماعة هي ليه شركة أوبر قررت فجأة تعمل كل التغييرات دي في مواعيد الباصات وخط السير ليه بجد أنزل قبل مكان شغلي بمسافة كبيرة عشان خاطر الشركة غيرت سياستها؟! مع إنكم بتاخدوا مننا فلوس كتير جدًا ليه التعامل بقى بالطريقة دي.
