كان هيقلب العربية.. أول تعليق من صاحب واقعة سائق أوبر المتعاطي للمخدرات خلال القيادة
نشر أحد الأشخاص يدعى محمد ناصر، مقطع فيديو عبر صفحته الشخصية بموقع التواصل الاجتماعي فيس بوك، يظهر فيه سائق في حالة عدم اتزان، في أثناء جلوسه داخل سيارته ويبدو عليه تعاطيه للمواد المخدرة.
أول تعليق من صاحب واقعة سائق أوبر المتعاطي للمخدرات
وتواصل القاهرة 24 مع صاحب الواقعة ومصور الفيديو، وقال: اللي حصل إن أنا طلبت أوبر عادي وجه عند مستشفى العاصمة الإدارية متجه إلى مدينة نصر، وركبت وكان طبيعي عادي، بعد ما نزلنا على طريق السويس أنا كنت مشغول في التليفون، هو طلع السيجارة اللي موجودة معاه وولعها وانا مخدتش بالي غير لما حسيت العربية بتروح يمين وشمال.
وأضاف صاحب واقعة سائق أوبر المخمور: بعد كده مسكت منه الطارة وكان فاقد الوعي أصلا وجبتها يمين وشيلت رجلة من على الفرامل وشيلت المفتاح، وعرفت إن لما اشيل المفتاح ده كان ممكن يقلب العربية بس عشان مبعرفش أسوق عملت كده وربنا ستر، وقعدت معاه وزي ما هو واضح فالفيديو اني مش عاوزه يمشي لأنه لو اتحرك هيؤذي ناس كتير، وفضلت تقريبا ساعة وبعد كده بلغت الشركة وعملت بلاغ ومشيت.
من جانبها تفحص الأجهزة الأمنية مقطع الفيديو، للتوصل إلى هوية السائق المتهم، وتحديد موقعه والقبض عليه.
