شريف خير الله يكشف تفاصيل نجاته من الغرق: البحر غدار.. وتيمور تيمور شهيد ضحى بنفسه علشان ابنه
كشف الفنان شريف خير الله، تفاصيل نجاته من الغرق في الساحل الشمالي، موجهًا رسالة تحذير لجمهوره، بجانب الحديث عن مدير التصوير تيمور تيمور، الذي رحل عن عالمنا أمس غرقًا بعد محاولته انقاذ نجله من الغرق.
وقال شريف خير الله، في تصريح خاص لـ القاهرة 24: أنا كنت واقف في البحر لقيت موجة جت قلبتني ومبقتش عارف راسي من رجلي وراسي اتخبطت في الرمل بتاع البحر، وجيت أقوم لقيت موجة تانية زي ما يكون دوخت والحمد لله ربنا كريم وكتبلي عمر جديد.
وعلق شريف خير الله، على حادث غرق مدير التصوير تيمور تيمور، الذي رحل عن عالمنا على إثره، قائلًا: تيمور حبيبي الله يرحمه، ده شهيد وضحى بنفسه علشان ابنه، الموضوع صعب أوي.
ووجه شريف خير الله، رسالة لجمهوره بعد نجاته من الغرق، قائلًا: خلوا بالكم من نفسكم، البحر غدار، حتى لو المايه واصلة لنص جسمك ممكن تيجي موجة تقلبك زي ما حصل معايا، الحمد لله ربنا نجاني، ولكن خلوا بالكم من نفسكم ومن أولادكم ومتعملوش فيها جامدين البحر غدار ومالوش كبير.
شريف خير الله
وكان كتب شريف خير الله عبر حسابه بموقع فيسبوك: الحمد لله النهاردة ربنا نجاني من الغرق، وأنا في البحر واقف على رجلي جت موجة قلبتني وكنت هروح فيها الحمد لله من قبل ومن بعد.
