نفسنا نرتاح وتكون الجلسة الأخيرة.. مصدر مقرب من أسرة ياسين صغير دمنهور يكشف تفاصيل قبل جلسة الاستئناف|خاص
قضت محكمة إيتاي البارود بمحافظة البحيرة بتأجيل الاستئناف المقدم من دفاع المتهم في قضية التعدي على ياسين تلميذ مدرسة الكرمة بدمنهور، على الحكم عليه بالمؤبد لجلسة اليوم 18 أغسطس، ولا يزال الطفل ياسين يتلقى الدعم النفسي والمعنوي خلال الفترة الحالية، وتنتظر الأسرة تنفيذ الحكم على المتهم.
مصدر مقرب من أسرة ياسين صغير دمنهور
وقال مصدر مقرب من عائلة ياسين طفل دمنهور في تصريحات خاصة لـ القاهرة 24:-
ياسين هيحضر الجلسة اليوم بلبس سبايدر مان زي كل مرة، وأملنا في ربنا كبير الجلسة دي تكون آخر جلسة ونرتاح عشان تعبنا أوي كلنا.
وأضافت: احنا مش قلقانين خالص وكلنا يقين بالله أن حق الطفل البرئ ده هيرجع، وهو على فكرة شايف أن احنا رايحين نحط المستر في القفص ميعرفش تفاصيل القضية والمحكمة وكده.
وتابعت: المرة اللي فاتت ميعرفش إن الجلسة تأجلت ولا قولنا له حاجة لأنه صغير، هو بالنسبة له دلوقتي منتصر وهو شايف المتهم فى القفص، وهو حاسس إنه خد حقه لما وصل المتهم للمرحلة دي، كل اللي قولناه النهاردة إنه هيروح والقاضي هيسأله كم سؤال، إحنا مطمنين وواثقين إن مصر فيها قضاء عادل وحقنا هيجي إن شاء الله.
وفي وقت سابق، طالب طارق العوضي محامي الطفل ياسين، تلميذ دمنهور، صاحب واقعة التعدي عليه من قبل إداري بمدرسة الكرمة الخاصة للغات، بنقل جلسة استئناف المتهم على حكم حبسه بالمؤبد، لمحكمة الإسكندرية.
