أبرز تصريحات كريم العمري: الجواز نصيب ومش عايز أولادي يمروا بنفس تجربتي.. وأتمنى أقدم دور كوميدي
كشف الفنان كريم العمري عن كواليس مشاركته في مسلسل اتنين قهوة بطولة الفنان أحمد فهمي والفنانة مرام علي، بجانب حديثه الأعمال التي يرغب في تقديمها خلال الفترة المقبلة، والعديد من الأمور الشخصية عن حياته أيضًا.
ونرصد لكم أبرز تصريحات الفنان كريم العمري عبر القاهرة 24، والتي جاءت على النحو التالي:
- مسلسل اتنين قهوة من المسلسلات اللي بحبها جدًا وهي بيتي التاني لأنها رجعتني للعمل مع المنتج أحمد عبد العاطي.
- السيناريت عمرو محمود ياسين الداعم الأول ليا ومن أقرب الناس ليا.
- دوري في اتنين قهوة مميز جدًا وتعبت فيه علشان يعجب الجمهور.
- أحمد فهمي ممثل شاطر ومتواضع واتبسط بالشغل معاه جدًا.
- انتهيت من 95% من دوري في مسلسل روج أسود، وأتمني يعجب الجمهور.
- لقاء الخميسي شخص جميل جدًا ومبسوط بالشغل معاها في روج أسود كانت بتسهل عليا التصوير بشكل كبير هي وكل فريق العمل.
- المشاركة في عملين مختلفين بيخلي الجمهور تشوف إمكانيات الممثل، وأتمنى العمل يعجب الناس.
- أنا بذاكر أي دور بيجيلي كويس جدًا وبحاول فيه مرة واتنين وتلاته.
- الجواز نصيب وربنا عارف هتجوز مين وامتي، وأكيد لو في واحدة كويسة وحبتها مش هقولها مش جاهز، ولكن الفكرة إني مش مركز دلوقتي في الموضوع ده ومش الجواز الحاجة اللي بدعي ربنا بيها دلوقتي.
- أنا عيشت في بيت الأب والأم كانوا منفصلين علشان كده مش حابب أولادي يمروا بنفس الوضع.
أتمنى أقدم عمل كوميدي الفترة الجاية، ولكن حابب أقدمه مع ممثل محترف وبيعمل كوميديا محترمة مفيهاش ابتذال لأن 90% من الكوميديا الموجودة حاليًا منبذلة.
أبطال مسلسل اتنين قهوة
وضم مسلسل اتنين قهوة عدد من نجوم الفن أبرزهم أحمد فهمي، ومرام علي، وإسماعيل فرغلي، وميريت عمر الحريري، وبسنت أبو باشا، وأحمد الشامي، وغيرهم من نجوم الفن والعمل من إخراج عصام نصار وتأليف عمرو محمود ياسين
