أحمد ياسر: فشل انتقال أسامة فيصل للأهلي بسبب ميول زملكاوية.. وأنا أفضل من كهربا والشحات
أطلق أحمد ياسر، لاعب البنك الأهلي الأسبق والتحدي الليبي الحالي، عدة تصريحات مثيرة للجدل، خلال ظهوره في تصريحات تلفزيونية تحدث فيها عن كواليس انتقالات اللاعبين بين الأندية، وقيم العقود، بالإضافة إلى رأيه في عدد من نجوم الكرة المصرية الحاليين.
أحمد ياسر: فشل انتقال أسامة فيصل للأهلي بسبب ميول زملكاوية.. وأنا أفضل من كهربا والشحات
وكشف ياسر عن سبب فشل انتقال أسامة فيصل، مهاجم البنك الأهلي، إلى النادي الأهلي في فترة الانتقالات الصيفية الماضية، قائلًا: "أسامة فيصل كان وقع للأهلي وخلص كل حاجة، والصفقة كانت شبه منتهية، لكن اللي عطلها هو اللواء أشرف نصار رئيس نادي البنك الأهلي، لأنه زملكاوي، وده كان سبب رئيسي في عدم إتمام الصفقة".
وأضاف: "اللاعب كان عنده رغبة في اللعب للأهلي، لكن حصلت مغالاة في المطالب المالية، ويمكن ده كان مقصود. وده مش غريب، لأن معظم صفقات البنك الأهلي كانت بتروح للزمالك".
كما أدلى برأيه في المقارنة بينه وبين بعض نجوم الأهلي، قائلًا: "أنا أفضل من كهربا وحسين الشحات، وده مش كلام وخلاص.. كهربا فسخوا عقده في ليبيا، وده دليل إن مستواه مش في أحسن حال. ولو كنت بلعب في الأهلي، كنت هاخد كل البطولات، لكن النصيب مكانش معايا رغم إن الزمالك كان مهتم بيا قبل كده".
وفي ختام تصريحاته، علّق ياسر على اعتزال نجم الزمالك محمود عبد الرازق شيكابالا قائلًا: "أنا مبسوط إنه اعتزل، ودي سنة الحياة.. مش هيكمل يلعب 100 سنة، وخلاص مبقاش قادر يكمل".
