رسالة مؤثرة من شقيقة محمد صلاح بعد حصده جائزة الأفضل من رابطة اللاعبين المحترفين
علقت شقيقة محمد صلاح نجم فريق ليفربول وقائد منتخب مصر، على فوز الدولي المصري بجائزة الأفضل المقدمة من رابطة اللاعبين المحترفين.
وتوج محمد صلاح بجائزة أفضل لاعب في الدوري الإنجليزي الممتاز 2024 - 2025، بتلك الجائزة للمرة الثالثة في تاريخه، ليصبح أول لاعب في التاريخ يحققها 3 مرات.
رسالة شقيقة محمد صلاح
وقالت رباب صلاح شقيقة نجم ليفربول عبر حسابها الرسمي على موقع التواصل الاجتماعي إنستجرام: بين الصورة دي ودي سنين مرت كالريح، ولكن حصل فيها حاجات كتير ومجهود كبير وتضحيات كتير كتير شوفت فيها أخويا بيتغرب وبيتعب ويسافر وطفولته كلها كانت على الطريق، بيجري ورا حلم كبير لطفل صغير.
وواصلت: المستقبل مبهم قدامه كنا أطفال وبقلب الأخت الكبيرة استنى أخويا يرجع مقدرش أنام قبل ما يرجع ومجرد ما يرجع قلبي يطمئن وبعدين التضحيات زادت وبقا ينام برا البيت في النادي وشوية وسافر وقلبي يتخلع معاه علشان أخويا بيبعد ويسافر ومش بشوفه كل يوم ويبعد ويضحي وإحنا معاه نضحي ومش بنشوفه غير مرة أو اتنين في السنة ويبقى يومين وخلاص والتضحيات تزيد والضغوطات تزيد ومازلت أبحث عن أخويا الطفل الصغير اللي قضيت معاه طفولتي وقلبي يتخلع عليه كل ما يبعد بس يكفيني فخرًا المستوى اللي وصلتله وحلمك اللي حققته يا حبيبي ربنا يحفظك ويحميك وتحقق أكثر وأكثر.
