علي الحجار عن نجله أحمد: بيتعلم الموسيقى وهو 6 سنين.. واشتغل في محل بيتزا بأمريكا علشان ميطلبش مني فلوس
تحدث الفنان علي الحجار عن نجله أحمد الذي سار على دربه وشق مشواره الفني الغنائي، معربًا عن سعادته وفخره الكبير به خاصة أنه عمل على تنمية موهبته الغنائية والموسيقية بنفسه ودرس في أمريكا التأليف الموسيقي.
وقال علي الحجار في تصريحات تليفزيونية: أنا عندي 7 ولاد وبنات، أحمد شخص غير عادي وبيتعلم الموسيقى من وهو عنده 6 سنين ورسام، وكان بيجيب تسجيل يحط فيه شريط أغانيا والتاني شريط فاضي كان بيسجل معايا الأغاني، ودخل بعد الثانوي معهد الموسيقى لمدة 5 سنين علم نفسه كتير، وكان من تلامذة أبويا.. هو لحقه وهو عنده 6 سنين وكان بيغني معاه موشحات قديمة.
وأشار علي الحجار إلى أن نجله كان حريصا على الاكتفاء المادي الذاتي خلال مرحلة الجامعة، قائلًا: أحمد قرر إنه يدرس تأليف موسيقي في أمريكا، والأربع سنين كانوا منحة، لأنه كل سنة بيتفوق فمبيرضوش ياخدوا منه فلوس، والجهد بتاعه علشان ميطلبش مني ولا من أمه فلوس.. كان بيشتغل في الجامعة بعد الظهر في مكتبة الجامعة وبعد ما يخلص يشتغل في محل بيتزا.
أما عن المشاريع الفنية المستقبلية بـ أحمد الحجار، أضاف والده علي الحجار: هيعمل دور محمد عبد الوهاب في مسرحية أم كلثوم في المسرحية اللي بيعملها دكتور مدحت العدل، وأنا متوقع له النجاح، ومدحت العدل قالي إحنا بنستنى دخلته.
علي الحجار يتحدث عن تقديمه تترات المسلسلات
كما تطرق علي الحجار للحديث عن تقديمه تترات المسلسلات، قائلًا: معظم التترات اللي عملتها كانت شعارات لـ شعراء كبار، ولكن ذكرى حلوة كان مسلسل الأيام لأنه كان أول تتر أقدمه لـ الدكتور طه حسين، ودي اللي شهرتنا كلنا، وكمان المال والبنون وذئاب الجبل، وحلواني فخور بيها جدًا، والليل وآخر، ومسألة مبدأ والرحاية وشيخ العرب همام، وغيرهم كتير.
