رولا خرسا عن عودة شيرين عبد الوهاب لـ حسام حبيب: غلبانة بلاش نجلدها وادعوا لها بالهداية
علقت الإعلامية رولا خرسا، على عودة الفنانة شيرين عبد الوهاب، لـ الفنان حسام حبيب، طالبة من الجمهور عدم انتقاد شيرين بسبب قرار عودتها.
وقالت رولا خرسا، في فيديو عبر حسابها بموقع إنستجرام: زعلانة عليها إن بيتم استغلالها بالطريقة دي، زعلانة لأنها بتدور على حد بتحاول تستأمنه وتتسند عليه وتحس إنه جنبها، حتى لو كان ده بتعمله من غير وعي وغلط وبتدمر نفسها وشغلها.
وتابعت: شيرين ضعيفة ويبدوا أنها شخص فعلًا عنده أزمات نفسية، بدل ما نقعد نتريق ونقول رجعوهم معناه إن البنزين هيغلى أو حاجة هتحصل، نفكر قد إيه الست دي قبل ما تكون فنانة هي غلبانة، غلبانة لدرجة إنها بترجع للي دمرها.
وطالبت الأطباء المشرفين على حالة شيرين، كشف تفاصيل حالتها الصحية النفسية لجمهورها، موضحة: أنا نفسي حد من الدكاترة المتخصصين اللي تعاملوا معاها يطلعوا يقولوا لينا إيه المشكلة، ولكن رفقًا بها ونفتكر إنها ضعيفة وغلبانة حتى لو هي بتدمر نفسها بلاش نجلدها وادعوا لها بالهداية.
عودة شيرين عبد الوهاب لـ حسام حبيب
أثارت عودة شيرين عبد الوهاب لـ حسام حبيب ضجة كبيرة عبر مواقع التواصل الاجتماعي بعد مرور سنوات على الانفصال بعد حالة من الشد والجذب ورفع القضايا بينهما، إذ علم موقع القاهرة 24 أن الثنائي عاد من جديد للمرة الثالثة.
