أيمن بهجت قمر يروي مُعاناة طفولته: “مكنتش لاقي أكل” (صورة)

روى الشاعر أيمن بهجت قمر، المعاناة التي عاشها في مرحلة طفولته، منذ وفاة والده، حتى وصوله إلى هذه المكانة، التي يحظى بها في الوسط الفني.

ونشر قمر على حسابه الرسمي بموقع “فيسبوك”، تدوينة كتب فيها: “كان عايش في طفولته ملك وفجأه بقى يتيم وهو عنده 15 سنه وابوه ما سابلوش فلوس .. ساب بيته وعاش في بيت مش بيته وراح بعدها في بيت أمه وبعدها رجع عاش لوحده وكان مش لاقي ياكل”

وتابع: ” أشتغل وهو عنده 16 سنه عشان يلاقي 10 جنيه، ايوه عشره جنيه كانت أمله بالنسبة له وكان ممكن من الجوع ياكل بصل مثلا وماكانش حواليه إلا أصحابه، تعب وطلع عين أمه وأخدها واحدة واحدة من 80جنية في الأغنيه لـ105، لـ300 في الإعلان لـ600 جنية، وده كان في حد ذاته انجاز”.

وأضافَ:”ملقاش حد ياخد بإيده الا قليلين وشال الهم والمسؤولية بدري أوي ويوم فوق ويوم تحت، تقدر تقولي بعد التعب ده كله مش المفروض الواحد يرتاح ؟ لا لسه برضه وعلى الإلتزامات الكتييييير اللي في رقبته”.

واختتم: “مافيش راحة وشقيان وبيحاول ينجح ويحافظ على عيلته وعلى نجاحه لإنه ماحيلتوش الا دماغه ..تقدر تقولي مين ده ؟؟ بعد ما تعرفه قول لنفسك خليك في حالك”.

وتعاقد الشاعر أيمن بهجت قمر مؤخراً مع المستشار تركى آل الشيخ، رئيس هيئة الترفيه بالسعودية، ومالك نادى بيراميدز، ورئيس الاتحاد العربى لكرة القدم، على فيلم سينمائي ضخم يُعرض خلال العام الجاري.

أيمن بهجت قمر.. مشوارة يقدر بـ100 أغنية 25 منهم لـ”عمرو دياب” فقط