ألفاظ خارجة.. القصة الكاملة لخلاف طبيب وطليقته في أكتوبر
تصدرت مشاجرة بين طليقة طبيب وشقيقته تريند مواقع التواصل الاجتماعي خلال الساعات القليلة الماضية، حيث شاركت طليقة طبيب تدعى ميرنا أشرف مقطع فيديو عبر حسابها يظهر اعتداءه لفظيا عليها.
القصة الكاملة لخلاف طبيب وطليقته في أكتوبر
وبعد نشر ميرنا أشرف للفيديو عبر حسابها الشخصي بمنصة فيسبوك، شاركت شقيقة طبيب كتبت فيه: عشان أنا وعيلتي بيتشهر بينا وطليقة أخويا بتحاول تمسح هما عملوا ايه وتبروز رد فعل أخويا على اللي عملوه، أنا مش هعمل زيها وأظهر قد ايه الطرف التاني بشع عشان اطلع ضحية بالكذب وتقصيص الفيديوهات برد فعل اللي قدامي أنا هعمل العكس هوريكم إحنا كنا ايه مع ميرنا مش أخويا بس.
وأضافت زاعمة: ميرنا أشرف اللي ظاهرة دلوقتي بدور الضحية المظلومة المجني عليها بتتهم أخويا إنه أخد دهبها وهي واخداه هو والسوليتير اللي طليقها أخويا جابهولها عشان تاخد تمنهم فلوس تاني بالكذب على المحكمة الموقرة، ميرنا خدت عفشها بالكامل بدون خدش واحد زي ما الناس بتعمل في اللي بتطلق.
وادعت شقيقة الطبيب في منشورها: أخدت العفش مش ناقص معلقة وقعدت تعدهم قطعة قطعة واتعرض عليها الصلح والطلاق بالود والمعروف وتاخد كامل حقوقها مقابل إن أخويا يشوف بنته زي البشر بس رفضت ده بدل المرة 5، وأبوها قال بالنص، أنا عايز أذله في المحاكم وأسجنه وأدفّعه اللي وراه واللي قدامه.
وواصلت في مزاعمها: مش برمي كلام في الهوا زيها أنا عندي أدلة وشهود وناس محترمة ليها مكانة في المجتمع اتدخلوا عشان تتطلق بالتراضي والصلح والمعروف، أخويا محروم يشوف بنته حتى فيه كاميرات مراقبة، وكانوا بيدخلوا البنت في العربية جوا الجراج عشان ميشوفهاش واتحارب نفسيا بكل الطرق.
وزعمت في منشورها: ميرنا اللي بتعمل محاولات مستميتة في قصقصة الحقيقة وتزبيطها لصالحها عشان تطلع مظلومة وضحية وهي السبب، والانفعال اللي شوفتوه في فيديوهات التشهير بأخويا كانت بعد ما أمه وأخته اتضربوا بايد أبو ميرنا، مختتمة: عندها شغالة بتعمل شغل البيت وهي عايشة معززة وميرنا حتى شعرها ودلع الستات كنا بنجيبلها الكوافيرة لحد البيت لحد تحت رجله.
