كنت شغالة في مستشفى وبقيت بلوجر.. ننشر اعترافات علياء قمرون خلال التحقيقات | خاص
كشفت التحقيقات في قضية اتهام التيك توكر علياء قمرون، بنشر محتوى خادش للحياء على مواقع التواصل الاجتماعي تفاصيل نشأتها الاجتماعية، وسبب إقدامها على تقديم محتوى على مواقع التواصل الاجتماعي، والأرباح التي حققتها من الفيديوهات المنشورة على صفحاتها الشخصية.
نص تحقيقات علياء قمرون
وينفرد القاهرة 24 بنشر التحقيقات في قضية علياء قمرون، وجاءت كالآتي:
اسمي علياء شوقي فوزي وشهرتي علياء قمرون وكنت شغالة قبل كده عاملة نظافة في مستشفى الجامعة في طنطا، وحاليا شغاله على السوشيال ميديا.
س: ما قولك فيما هو منسوب إليك من أنك متهمة بالاعتداء على قيم ومبادئ للمجتمع المصري بأن قمت بنشر مقاطع مرئية ومسموعة تحتوي على بعض الألفاظ الخارجة والإيحاءات الحادثة للحياء وذلك من خلال حسابك على موقع التواصل الاجتماعي التيك توك، وذلك على نحو يجافي القيم المجتمعية المصرية وأخلاق المجتمع المصري على النحو المبين بالأوراق؟
ج: محصلش، لكن اللي حصل إن أنا مرة واحدة بس دون قصد قلت في أحد الفيديوهات على التيك توك لفظ خارج لاسم واحد من المتابعين بتوعي كان اسمع كده بالفعل، والشخص ده كان دخلي في أحد اللايفات بتاعتي على التيك توك دعمني بورده فقلت اسمه اللي هو لفظ خارج وهو ده كل اللي عملته.
ننشر اعترافات علياء قمرون في التحقيقات
س: ما قولك فيما هو منسوب إليك من أنك متهمة بإنشاء وإدارة واستخدام حسابك على موقع التواصل الاجتماعي محل الاتهام الأول وذلك لارتكاب جريمة معاقب عليها قانونا وهي قيامك بنشر مقاطع مرئية ومسموعة بها أفعال وألفاظ مخلة بالحياء على النحو المبين بالأوراق؟
ج: محصلش واللي حصل هو اللي قلته.
س: ما قولك فيما هو منسوب إليك من أنك متهمة بارتكاب أفعال فاضحة في العلانية ومحلة بالحياء وقمت بتوثيقها عبر مقاطع مرئية ومسموعة وقمت بنشرها على موقع التواصل الاجتماعي محل الاتمام الأول على النحو المبين بالأوراق؟
ج: محصلش واللي حصل هو اللي قلته.
س: ما هي ظروف ضبطك وإحضارك؟
اللي حصل إن أنا كنت قاعدة في بيت واحدة صاحبتي وفاتحة لايف وبعدين لقيت ناس لابسين بدل ومعاهم عربيات ملاكي وطلبوا مني إن أروح معاهم وعاملوني باحترام، واللي عرفته إنهم عرفوا مكاني عند صاحبتي لأني كنت كلمتها على التيك توك واللايف بيكون فيه تتبع للمكان اللي أنا فيه واللي يعمل فيه اللايف وأعتقد أنهم عرفوا مكاني من اللايف.
س: متى وأين حدث ذلك؟
ج معرفش كان يوم إيه أو كام في الشهر بالضبط، بس أنا اتمسكت من شقة صاحبتي.
س: من القائم على ضبطك؟
ج ضباط لكن كانوا لابسين بدل وميري.
س: هل من ثمة حوار دار بينك وبين القائمين على ضبطك؟
ج: أيوه الضباط سألوني عن المحتوى بتاعي قلتلهم إني بعمل فيديوهات ولا يفات على التيك توك بهزر فيها مع الناس وإني مرة من زمان قلت لفظ خارج دون قصد زي ما سبق ووضحت، وبعدين سألوني عن الباسوورد بتاع تليفوني قلتلهم عليهم ولغوه خالص وسألوني على محفظة على تليفوني قلتلهم على الباسوورد بتاع المحفظة ودخلوا عليها وشافوا إني معايا 199 ألف جنيه جنيه وده رصيدي على المحفظة اللي جالي من اللايفات والفيديوهات والإعلانات بتاعت التيك توك وسألوني على حساباتي على التيك توك قلتلهم عندي حسابين على التيك توك واحد عليه حوالي مليون متابع والثاني عليه عليه حوالي سبعين ألف متابع وقلتلهم إني عامله حسابين احتياطي علشان لو واحد اتحظر أفتح من الثاني.
س: ما الذي يمكن أن يجعل حسابك على التيكتوك يحظر؟
ج: نظام التيك توك مبيسمحش بـن حد يتعصب في أي لايف بيتعمل وأنا ساعات اللي بيحصل إن أنا ممكن أكون في لايف واحد من المتابعين يشتمني في التعليقات فبنفعل عليه في اللايف وبعلي صوتي وده ممكن يخلي التيك توك يحظر إمكانية إن أعمل اللايفات على حسابي لمدة مؤقتة لكن الحساب كله مش بيتحظر.
س: هل سبق حظر صلاحية البث المباشر لحساباتك على التيك توك قبل ذلك؟
ج أيوه.
س: متى كان ذلك وما السبب؟
ج: أنا اللايفات عندي اتحظرت حوالي 7 أو 8 مرات واتمنعت إني أعمل لايف على التيك توك لمدة من يومين ودي كانت أقل مدة - إلى أسبوع - ودي كانت أكبر مدة في المرة الواحدة، والتيكتوك حظرني علشان كنت بنفعل على المتابعين وبزعق لهم بس مكونتش بقول ألفاظ خارجة وساعتها كان بيجيلي رسالة من إدارة التيكتوك إن صلاحية اللايفات متحظر من حسابي لمدة معينة زي ما قلت علشان أنا انتهكت إرشادات المجتمع وده اللي بيبقى مكتوب في الرسالة، وساعتها بقدم حاجة اسمها طعن وده إجراء بيتعمل في التيك توك معناه إني بعترض على الحظر اللي عملته المنصة لصلاحية اللايفات الخاصة بحسابي والمنصة بتبحث أسبابي وأعذاري اللي بقدمها وإما يتقبل أو الرفض وسبق والطعن بتاعي اتقبل في مرات وفي مرات ثانية كان الطعن بيترفض وساعات بيبقى سبب الحظر إني أخلي طفلة صغيرة تشارك في اللايف بتاعي.
س: هل من ثمة تفتيش وقع عليك؟
ج فتشوا شنطي بس ومحدش فتشني شخصيا وهما طلبوا مني تليفوناتي اديت لهم التليفون الريلمي وكان معايا الآيفون بتاعي علشان كان عليه صوري الشخصية في الاستديو اللي على التليفون وبعدين هما سألوني عليه لأني كنت مشهورة إن عندي أيفون واديته لهم وأنا اللي قلتلهم على فلوسي اللي على محفظة واللي على تليفوني الريلمي.
س: من الذي أجراه؟
ج: ضابط من الضباط اللي مسكوني بس هو فتش الشنطة بس وأنا اللي سلمت التليفونات.
س: ما الذي أسفر عنه ذلك التفتيش؟
ج: ضبطوا التليفونين بتوعي الآيفون 16 برو ماكس، والريلمي، والشواحن بتاعتهم والجرابات وكمان لقيوا عندي محفظة عليها 199 ألف جنيه.
س: ما صلتك بتلك المضبوطات التي أسفر عنها الضبط والتفتيش؟
ج: كلها بتاعتي.
