علياء قمرون خلال التحقيقات: كسبت 199 ألف من الحيتان والأسود وهدايا الداعمين
كشفت التحقيقات في قضية اتهام التيك توكر علياء قمرون، بنشر محتوى خادش للحياء على مواقع التواصل الاجتماعي، تفاصيل نشأتها الاجتماعية، وسبب إقدامها على تقديم محتوى على مواقع التواصل الاجتماعي، والأرباح التي حققتها من الفيديوهات المنشورة على صفحاتها الشخصية.
نص تحقيقات علياء قمرون
ويستكمل القاهرة 24 نشر التحقيقات في قضية علياء قمرون، وبسؤالها ملك من ذلك الهاتف المعروض عليكي، وما هو وصفه ؟
ج: ملكي، وهو ريلمي 275.
س: وهل يشاركك أحد في استخدامه؟
ج: لا أنا اللي بستخدمه لوحدي.
س: ومتى اشتريت ذلك الهاتف؟
ج: في شهر فبراير اللي فات تقريبًا.
س: بكم اشتريتيه ؟
ج: 9300 جنيه.
س: ما هو مصدر تحصلك على تلك الأموال؟
ج: من شغلي لما كانت شغاله في بيع المناديل.
س: وما صلتك بشرائح الاتصال المثبتة به؟
ج: الشريحتين دول بتوعي ومتسجلين باسمي في الشركة.
س: ومن المستخدم الفعلي لهاتين الشريحتين؟
ج أنا
س هل يشاركك أحد في استخدامهما ؟
ج: لا
س: وما هو رصيد المحفظة الالكترونية المربوطة ؟
ج: عليه 199 ألف جنيه.
س: وما هو مصدر حصولك على تلك الأموال المشار إليها ؟
ج: أجابت التيك توكر علياء قمرون: من الدعم اللي المتابعين بتوعي في اللايفات من التيك توك بيدعمهولي والفلوس دي مقابل الهدايا اللي بيدوهالي في الدعم والهدايا دي زي الحيتان والورود والقلوب والأسود اللي بيعتوها لي وأنا بحولها الفلوس بعد كده في محفظتي دي، وكما جزء من الفلوس دي من الإعلانات اللي عملتها.
س: وما هو تاريخ تحصلك على ذلك المبلغ آنف البيان؟
ج: من ساعة ما فتحت التيك توك وبدأت أكسب منه والكلام ده كان من شهر مارس حتى الآن.
س: ملك من ذلك الهاتف المعروض عليكي، وما هو وصفه ؟
ج: ملكي، وأنا اللي اشتريته من دمنهور، وهو أيفون 16 برو ماكس.
س: وهل تلك اللعبة مباحة بحيث يمكن لأي شخص الدخول عليها وإنشاء حساب خاص عليها والتعامل مع المحتوى الذي تقدمه؟
ج: أيوه لكن علشان الحساب يكون عنده صلاحية إنه يعمل بث مباشر أو إنه يدخل جولات لازم يكون عدد المتابعين بتوعه وصل لألف متابع لكن أقل من كده ميقدرش غير إنه يرفع فيديوهات من خلال الحساب بتاعه.
س: وما هي كيفية عمل تلك المنصة من خلال ذلك التطبيق؟
ج: التطبيق ده يحمله عندي على التليفون ويفتح لما بدوس عليه ولازم علشان أدخل عليه أكون مشغله نت سواء واي فاي أو من الباقة الخاصة بالشريحة بتاعة تليفوني.
س: وما هو الهاتف الذي كنت تستخدمينه في الدخول على ذلك التطبيق والتعامل معه؟
ج: كنت بدخل على التيك توك من خلال التليفونين بتوعي سواء الآيفون أو الريلمي، لكن أكثر تليفون كنت بستخدمه في الدخول على التيك توك والتعامل مع حسابي اللي عليه كان التليفون الآيفون.
س: كم عدد حساباتك الخاصة على منصة التيك توك ؟
ج: عندي حسابين على تيك توك.
س: وما هي بيانات هذين الحسابين واسم المستخدم الخاص بكليهما؟
ج: فيه حساب منهم اسمه علياء، والثاني اسمه علياء 2.
س: ومن القائم على إنشاء هذين الحسابين وإدارتهما ؟
ج: أنا.
س: متى أنشأتي هذين الحسابين ؟
ج: حساب علياء عملته في أول شهر مارس اللي فات، وحساب علياء 2 عملته بقالي حوالي شهرين.
س: وما هو سبب إنشائك الحسابين على منصة التيك توك ؟
ج: علشان لو واحد الحظر زي ما سبق ابقى استخدم الثاني.
س: وهل هذين الحسابين متاح للكافة الاطلاع على محتواهما ؟
ج: أيوة.
س: وهل هذين الحسابين ما زالا يعملان حتى تاريخه ؟
ج: حساب علياء اللي عملته في مارس اللي فات مازال مفتوح يعني لو دخليت هتافيه مفتوح وهتعرف تشوف محتواه لكن منصة التيكنوك جمدته بمعني إني معرفش أعمل أي نشاط أو تفاعل من خلاله ومعرفش أرفع عليه أي فيديوهات أو أعمل بيه لايقات واللي عرفته إن ذه حصل من المنصه علشان كان فيه ناس بيحاولوا يهكروه وبيحاولوا يخترقوه بس محدش عرف يخترقه أو بهكره علشان كده التيكتوك حمد الحساب ده مؤقتًا أما حسابي الثاني اللي اسمه علياء 2 مازال شغال وبقدر أتفاعل من خلاله.
