علياء قمرون في التحقيقات: دخلت عالم التيك توك عشان أكسب فلوس وأتجوز| خاص
كشفت التحقيقات في قضية اتهام التيك توكر علياء قمرون، بنشر محتوى خادش للحياء على مواقع التواصل الاجتماعي، تفاصيل نشأتها الاجتماعية، وسبب إقدامها على تقديم محتوى على مواقع التواصل الاجتماعي، والأرباح التي حققتها من الفيديوهات المنشورة على صفحاتها الشخصية.
نص تحقيقات علياء قمرون
ويستكمل القاهرة 24 نشر التحقيقات في قضية علياء قمرون، وبسؤالها ما هو غرضك من إنشاء هذين الحسابين المشار إليهما؟
قالت التيك توكر علاء قمرون: أنا بداية دخول على التيك توك كان في أول شهر مارس اللي فات وأنا دخلت على التيكوك علشان أعمل فيديوهات وأشتهر وأعمل فلوس علشان أعرف أصرف على نفسي وأجهز نفسي علشان أتجوز وأجيب اللي نفسي فيه.
س: ما هي كيفية إنشائك لهذين الحسابين؟
أجابت التيك توكر علياء قمرون: أنا الأول نزلت تطبيق التيكتوك من على آب ستور اللي على الآيفون وبعدين دخلت على التطبيق ودخلت بياناتي واسم الحساب والباسوورد الخاص بالحساب ورقم تليفوني علشان يبعتلي کود تأكيد في رساله كإجراء لإنشاء الحساب.
س: هل أي من هذين الحسابين مربوط بمحافظ إلكترونية؟
ج: الحسابين مربوطين بمحفظة إلكترونية.
س: وما هو سبب ربط هذين الحسابين بتلك المحفظة؟
ردت البلوجر علياء قمرون: علشان لما تجيلي أي فلوس من الفيديوهات أو من اللايفات اللي بعملها من خلال الحسابين دول أعرف أحولها على المحفظة وأسحبها بعد كده كاش.
س: وما هي صلاحيات هذين الحسابين وما صور التفاعل أو المحتوى الذي يمكن نشره أو التعامل عليه من خلال هذين الحسابين؟
ج: أي حساب على التيكتوك زي حساباتي دي صاحبه بيقدر إنه يرفع من خلاله أي فيديوهات هو مصورها وبتتخزن على حسابه، وكمان بيقدر بحسابه إنه يعمل بث مباشر وكمان يقدر يدخل حولات مع ناس تانيين عاملين بث مباشر في نفس الوقت.
س: وما هي كيفية تحقيق مكاسب وأرباح مادية من خلال ذلك المحتوى الذي يتم نشره من خلال الحساب الخاص على تلك المنصة؟
ج: الحاجة الوحيدة اللي ممكن تجيب فلوس في البث المباشر "اللايف" أو الجولات اللي بتتعمل من خلال البث المباشر لأن المتابعين اللي بيكونوا موجودين لمشاهدة المحتوى ده بيعملوا حاجة اسمها دعم صاحب اللايف اللي هما بيحبوا يدعموه والدعم ده يكون عباره عن هدايا بيبعتوها لصاحب الحساب والهدايا دي بتكون بقيمة معينة يقدر بعد كده صاحب الحساب إنه يحولها الفلوس كاش من خلال المحفظة اللي هو رابطها على حسابه على التيك توك زي ما أنا عامله.
