“باربي” و”بيوتي”.. أحدث تقليعات عرائس المولد النبوي في أسواق الأقصر | صور
شهدت أسواق الأقصر قبيل المولد النبوي الشريف إقبالًا كبيرًا على شراء “عرائس المولد” التي تزين المحال بألوانها وأشكالها المتنوعة، حيث خطفت هذا العام “باربي” و”بيوتي” الأضواء باعتبارهما أحدث التقليعات التي تنافس العروس والحصان التقليديين.
البائع فارس: الأسعار تبدأ من 100 جنيه وتصل إلى 600 حسب الخامة والشكل
وأوضح فارس أحد البائعين في أسواق الأقصر، في تصريحاته لـ”القاهرة 24”: “الأسعار عندنا بتبدأ من 100 جنيه وتوصل لـ600 جنيه، وده بيختلف حسب خامة العروسة؛ في منها بلاستيك، وفي بورسلين، وكمان موجودة في علب خشب وكريستالات، غير العروسة والحصان الحلوى اللي الناس لسه بتحب تشتريهم عشان يفكرهم بزمان.”
بين التراث والحداثة
وأضاف فارس: “فيه زباين كتير لحد دلوقتي بيفضلوا يشتروا العروسة والحصان كرمز للفرحة والذكرى، لكن الشباب والأطفال أكتر بيتجهوا للعرايس الجديدة اللي شبه باربي وبيوتي، ودي بتلاقي رواج كبير.”
إقبال متزايد على الشراء
وأشار البائع إلى أن الإقبال يتزايد مع اقتراب المولد النبوي، موضحًا: “الأسر في الأقصر بتحب تحافظ على الطقوس دي كل سنة، وبتعتبر شراء العروسة أو الحصان جزء من الفرحة بالمولد، مهما اختلفت الأشكال والأسعار.”
