أول تعليق من والد صغيرة كيس الشيبسي: متعودة على كده وبتاخد فلوس ومبتقوليش هتصرفها فين
تصدرت صغيرة كيس الشيبسي مواقع التواصل الاجتماعي، بعدما انتشر لها فيديو مع أحد المحتاجين في الشارع تنازلت عن شراء كيس شيبسي لمساعدته.
أول تعليق من والد صغيرة كيس الشيبسي: متعودة على كده وبتاخد فلوس متقوليش هتصرفها فين
وقال محمد والد الفتاة هايدي لـ القاهرة 24: هايدي عندها 10 سنين ومتعودة على كده دايما، كانت بتاخد مني فلوس وبتصرفها ومترضاش تقولي بتصرفها فين فاعرف إنها بتطلعها لله.
وتابع: هي مكسوفة أوي بعد ما الفيديو اتنشر، وكفاية الدعوات اللي الناس بتدعيها ليها بعد الفيديو
ووجه والد الفتاه كلمة لها موضح: بقولها ربنا يجازيكي خير.. وكل دعوة حد دعهالك تكن من نصيبك
وفي وقت سابق، قال صاحب المحل الذي نشر الفيديو لـ القاهرة 24: البنت جات الصبح الساعة 11 المحل وكانت بتشتري حاجات، أنا شوفتها بتاخد كيس الشيبسي من على الرف وبعدين رجعته بسرعة وإديت الفلوس اللي معاها للراجل المحتاج في الشارع.
وأضاف: جريت وراها علشان أديها كيس الشيبسي لكنها رفضت، علشان كدا نشرت الفيديو.
وفي سياق متصل، تتصدر الفتاه تريند مواقع التواصل الاجتماعي، حيث بدأت القصة عندما دخلت الطفلة إلى أحد محال البقالة لشراء حلوى بخمسة جنيهات، وهو كل ما كانت تملكه من مصروفها، وبمجرد أن شاهدت شخصًا محتاجًا بالقرب منها، قررت التراجع عن الشراء ومنحه المبلغ بالكامل، ثم غادرت المكان دون أن تبتاع شيئًا.
صاحب السوبرماركت الذي شهد الموقف، بادر بتوثيق اللحظة عبر كاميرات المراقبة ونشرها على منصات التواصل، لتتحول سريعًا إلى حديث الجمهور، وتنهال التعليقات المشيدة بتصرف الطفلة البسيط الذي جسّد معنى العطاء الحقيقي
