ننشر اعترافات شقيق سارة خليفة في قضية المخدرات الكبرى: أنا مديون وهي بتدفعلي 20 ألف جنيه إيجار شقتي

يستكمل القاهرة 24 نشر نص التحقيقات في قضية اتهام سارة خليفة باشتراكها في عملية تصنيع وترويج وبيع المواد المخدرة، وكذلك تهريبها خارج مصر، بالاشتراك مع تشكيل عصابي مكون من 27 متهمًا، بينهم منتج وصاحب شركة ومقاولون وباعة وسائقون وغيرهم، ما ترتب عليه ضبطهم وإحالتهم إلى محكمة الجنايات.

تحقيقات قضية سارة خليفة في قضية المخدرات 

وجاءت اعترافات محمد خليفة شقيق سارة خليفة المتهمة في القضية المعروفة إعلاميًا بـ المخدرات الكبرى، والتي حملت رقم 6863 لسنة 2025 جنايات التجمع الأول والمقيدة برقم 1347 لسنة 2025 كلي القاهرة الجديدة، وبسؤاله ما وقولك فيما هو منسوب اليك من أنك متهم وآخرون بتأليف عصابة والانضمام إليها غرضها جلب المواد المخدرة إلى داخل جمهورية مصر العربية، بقصد الإتجار وكان ذلك في غير الأحوال المصرح بها قانونا؟ أنكر تلك الاتهامات الموجهة له قائلا: محصلش.

كما جاء تفصيلات باقي أقواله أمام جهات التحقيقات المختصة في القاهرة، كالتالي:- 

س: وما هي طبيعة عملك ؟
ج: أنا في الأول كنت شغال في قناة أي ارتي كنت في الأول، ودا كان في حوالي سنة 2012، وبعد كدة بقيت السكرتير، وبعدها فتحت كافيه في التجمع ودخل لغاية بداية عام ۲۰۲۰ قبل الكورونا، وبعدين وقعدت من ساعة لما الكورونا دخلت في بداية 2020 لمدة سنتين حياتي كانت كلها تخبيط وباستلف من أهلي لحد لما أبويا طلع على المعاش في سنة 2022 تقريبا، وفي الوقت ده أمي وأختي فتحوا مركز تجميل سيدات وبيعمل كل ما يخص التجميل بالعمليات نفخ او شد او نحت وكان عندنا دكاترة بيعملوا العمليات دي وأنا كنت دخلت شريك بحوالي 10% بمبلغ أبويا حطه مع أمي وأختي وأنا مش عارف المبلغ ده كام، وكان بيطلعلي متوسط دخل من المركز ده حوالي من 12 ألف حتى 20 ألف جنيه وفضلت كدة لغاية لما سارة أختي بدأت تعمل حفلات في دبي في مكان اسمه ذا شو وبعدها بشوية أنا بقيت أشتغل معاها كمساعد منسق حفلات وفي الوقت اللي قبله كانت سارة اللي بتدفع فلوس الإيجار بتاع شقتي في التجمع الأول ولا زالت اللي هو حوالي 20 ألف جنيه، وأنا شغال مع سارة لغاية دلوقتي من حوالي سنة وأربعة شهور بس الحفلات دي ما بتتعملش بصورة مستمرة ممكن تتعمل كل كام شهر، بحيث إنها ممكن تتعمل كل شهر أو شهرين أو ممكن تتعمل كل ست شهور، وآخر حفلة عملناها كانت في شهر شهر 10 اللي فات 2024، وأنا دوري في الموضوع دا إني منسق وبربط حجوزات طيران وفنادق للفرقة اللي هتحيي الحفلة واستقبلها في المطار وتسكين الفرقة لغاية لما يمشوا، وبيطلعلي من الحفلة حوالي 3 آلاف درهم. 

س: وما هي بداية إقامة تلك الحفلات؟
ج: هي سارة بدأت الحفلات دي تقريبا من حوالي 3 سنوات ونص

س: وما طبيعة عملك مع سالفة الذكر في تلك الحفلات؟
ج أنا شغال مع سارة لغاية دلوقتي من حوالي سنة وأربعة شهور بس الحفلات دي ما بتتعملش بصورة مستمرة، ممكن تتعمل كل كام شهر، بحيث إنها ممكن تتعمل كل شهر أو شهرين أو ممكن تتعمل كل ست شهور، وآخر حفلة عملناها كانت في شهر 10 اللي فات 2024 وأنا دوري في الموضوع دا إني منسق وحجوزات طيران وفنادق للفرقة اللي هتحيي الحفلة، واستقبلها في المطار وتسكين الفرقة لغاية لما يمشوا، وبيطلعلي من الحفلة حوالي 3 آلاف درهم وأنا كل الحفلات اللي عملتها مع سارة تقريبا ثلاثة أو أربعة حفلات.

رانج روفر وذهب ومخدرات.. ماذا عثرت عليه الشرطة بحوزة سارة خليفة؟ | خاص

حبس سارة خليفة وشقيقها 4 أيام في قضية غسيل الأموال

س: ومتى باشرت العمل مع سالفة الذكر في تلك الحفلات ؟
ج: أنا شغال معاها بقالي سنة ونص.

س وما مدي سعة كسبك؟
ج: أنا مديون بقالي سنين وما زلت لغاية دلوقتي مديون، وأنا مديون بقروض في منهم قرض يعدي 300 أو 400 ألف لأني ما بسددش، ومدارس وقروض مراتي.

س: وما مدى سِعة دخلك بالنسبة لنفقاتك؟
ج: أنا دخلي الشهري ما بيكفنيش لآخر الشهر، ولو كفاني ما بقدرش اعمل حاجة زيادة

س: إذا وكيف تستطيع مواكبة نفقاتك؟
ج أنا أختي سارة هي اللي بتدفعلي فلوس الإيجار كل شهر اللي هو حوالي 20 ألف جنيه فلو ظهر قدامي أي مصلحة ممكن أعملها يطلعلي منها فلوس بعملها زي إن لو حد عايز يشتري شقة أدورله على شقة أو يبيع حاجة واخد أنا عمولتي، وكمان مراتي بتساعد معايا عشان هي عاملة جروب على الفيس بوك بتبيع هدوم وبرفانات.

س: وما هي مجمل ممتلكاتك ؟
ج: أنا ما عنديش أي ممتلكات غير العربية بي ام دابليو، أي 60 موديل 2005.

س: وبكم تقدر أرصدتك البنكية؟
ج: أنا ما عنديش فلوس في البنوك ممكن كارت ميزة فيه تقريبا 10 آلاف جنيه.

س: وهل أنت شريك بثمة شركات؟
ج: لا