يانيك فيريرا: إضاعة الوقت صورة سلبية للكرة المصرية.. وهذا مصير الجزيري
حرص يانيك فيريرا المدير الفني لنادي الزمالك على الحديث بشأن مباراة الأبيض أمام فاركو وحصد 3 نقاط.
تصريحات فيريرا
وقال فيريرا في المؤتمر الصحفي: كنا عارفين إننا هنلاعب فريق بيلعب بـ 10 لاعيبة في الخط الخلفي، واستعدينا بشكل كويس، والشوط الأول متواحدناش بشكل كتير في الصندوق وهنشتغل على ده الفترة المقبلة.
وأضاف فيريرا: لو مسجلناش هدف مبكر الخصم كان هيكمل في تضييع الوقت زي ما ضيع 50 دقيقة وبحترم أي خطة لأي مدرب سواء هجوم أو دفاع، ولكن إضاعة الوقت بالشكل ده يفسد الكرة.
وأكمل فيريرا: محتاجين الصحفيين يتكلموا عن الأمر ده لأن مش المفروض ده يكون الصورة اللي تتقدم عن الكرة المصرية في إضاعة الوقت، والحكام مش لازم يسمحوا للفرق تقتل الماتش بإضاعة الوقت.
وواصل المدير الفني لفريق الزمالك: مبسوطين بالنتيجة ولكن كنا هنبقى أسعد في الفوز بنتيجة أكبر ومحتاجين نتحكم أكتر في بعض المواقف.. فوز مستحق في وقت مهم.
وعن مصير سيف الجزيري، قال فيريرا: معايا مش هنشوف الجزيري وممكن بعدين تعرفوا ليه.
وأردف فيريرا: عدي الدباغ لاعب مميز وبيشتغل بكل قوة ويكون عنصر مؤثر مع الفريق، ولا نهتم بنتائج باقي الفرق.. عندنا دوافعنا الخاصة اللي تخلينا نقاتل للفوز في المباريات.
وزاد فيريرا: ليه دايما بتسألوا على أحمد حمدي ومش بتسألوا على باقي اللاعبين، عاوزين نتكلم عن الفريق ككل وليس لاعب.
وتابع فيريرا: إحنا بنقول دائما أن الفريق بيدافع مع بعضه وده السبب أن الفريق يظهر بالشكل ده.. مستحيل نوصل للتشكيلة المثالية، لأن لو ده حصل يبقي اللي برة التشكيلة مش مميزين، بنتايج مثلا مر أسبوعين من فترة الإعداد ولم يشارك ولعب ثلاثة مباريات فكان لازم يبقي فيه تدوير.
واختتم فيريرا تصريحاته قائلا: كان عندنا فرصة في العارضة ورأسية من ناصر منسي وأكتر من تصويبة لو استغلينها بشكل أفضل كانت ممكن تتغير النتيجة ونحاول نجبر الحظ يبقي في صالحنا.
