لا بينزّل بضاعة ولا بيبيع.. استغاثة لدعم صاحب محل بويات في إمبابة للشراء منه: بناته على وش جواز وحالته صعبة
تداول عدد من مستخدمي مواقع التواصل الاجتماعي خلال الساعات الماضية صورًا لمسن يجلس أمام محل قديم متخصص في بيع الحدايد والبويات في شارع المطار بمنطقة إمبابة في محافظة الجيزة، مناشدين بضرورة مساعدته والشراء منه.
دعم صاحب محل بويات في إمبابة
ونشر عدد كبير من مستخدمي مواقع التواصل الاجتماعي منشورا لدعمه نقلا عن أحد جيرانه، والذي قال: السلام عليكم يا جماعة.. أنا فاتح جنب راجل كبير محترم جدًا ف إمبابة من حوالي شهرين.
وتابع: من يوم ما فتحت وأنا بشوفه كل يوم من الصبح لحد بالليل قاعد قدام محله، وعمري ما شوفت زبون عنده.. ومحله فيه كام جردل بوية، لكن لا بينزل بضاعة ولا بيبيع، وبنته هي اللي بتجيبه الصبح علشان عينيه تعبا شوية.
واستكمل: ولما سألت عنه لقيت إنه عنده بنات على وش جواز وحالته صعبة.. والراجل ده يستاهل نقف جنبه ونساعده بأي شكل.. ومكانه في إمبابة – شارع المطار.. وادعموه وربنا يفرجها عليه وعليكم.
