جريمة في السن ده.. هجوم على طبيب بسبب إجراء عملية تكميم معدة لـ صغيرة
تداول مستخدمو مواقع التواصل الاجتماعي، فيديو لطبيب يجري عملية تكميم معدة لصغيرة 9 سنوات، حيث أثار الفيديو موجة غضب واسعة بين مستخدمي السوشيال ميديا.
عملية تكميم لطفلة تثير الجدل
وأثار الفيديو حالة واسعة من الجدل والغضب عبر منصات التواصل الاجتماعي، وظهرت الطفلة وهي بملابس العمليات تبكي خوفًا من إجراء العملية، إلى جانب الطبيب الجراح الذي يحاول تهدئتها بصحبة فريقه الطبي.
وهاجمت مستخدمة إجراء العملية للطفلة معلقة: ده حرام العملية دي بتخلي فيتامين ب12 مش بيمتص من الأمعاء ولازم تعويضه عن طريق الحقن، ده غير المضاعفات التانية اللي بتزود نسبة الالتهابات في الجسم وخسارة العضلات مش بس الدهون والارتجاع المستمر، كل ده بيشكل خطورة على الحياة بعد فترة.
وقال مستخدم آخر: ليه يتعمل للطفلة عملية زي دي ما في رياضة وجيم ومليون حاجة غير الجريمة دي؟.
وكتب صاحب حساب: حرام والله العظيم دي صغيره أووووي كلنا واحنا صغار كنا كدا ولما بنكبر بنطول ونقلل أكل ونخس انما كدا حرام.
وأضاف آخر: حرام يا جماعه كده البنت صغيره بكره ده هتفرده طول لوحديها سبحان الله.
وتابع صاحب حساب: جريمة طبية ودكتور غير معني الطفلة فقط 9 سنوات أي تكميم معدة.
