إينو: البدري خصم مننا 40 ألف جنيه في كأس العالم باليابان بسبب السهر
رياضة
كشف معتز إينو نجم الأهلي الأسبق، أن حسام البدري خصم 40 ألف من لاعبي الأهلي في كأس العالم بسبب السهر في اليابان.
وقال معتز إينو في تصريحات تليفزيونية: كنا في اليابان ومغلوبين من باتشوكا أربعة، وخرجنا بالليل في اليابان، أنا وحسين ياسر المحمدي ومحمد شوقي وسعد سمير ومحمد سمير وحسام عاشور لفينا اليابان، وكنا أول مرة نروح هناك، وحسين ياسر، وركبنا قطر وسهرنا لحد 6 الصبح.
وتابع معتز إينو: وإحنا راجعين كابتن حسام البدري استقبلنا في الفندق وخصم من كل واحد 40 ألف جنيه تقريبا.. طلع الأوض ملقناش.
وأضاف نجم الأهلي الأسبق: كنت بقعد في الأوضة مع حسام عاشور خلال فترتي، وحسام عاشور ده كارثة مش طيب خالص، دا معندوش واتس آب.
