محمد سليمان: مسلسل ورد وشيكولاتة مهم.. وشابوه لـ المخرجين الشباب
أعرب الفنان محمد سليمان، عن سعادته بتعاونه مع المخرج ماندو العدل، في مسلسل ورد وشيكولاتة، بطولة الفنان محمد فراج وزينة، بجانب الحديث عن بدايته الفنية.
وقال محمد سليمان، في تصريحات تلفزيونية: بنحضر لمسلسل اسمه ورد شيكولاتة، وهو إخراج ماندو العدل وتأليف محمد رجائي، وبطولة محمد فراج والنجمة الكبيرة زينة، مسلسل مهم أوي ومبسوط بالشغل مع ماندو العدل.
وتابع محمد سليمان: شابوه للمخرجين الشباب، وأول مرة اشتغل مع محمد رجائي وأنا أعشق هذا المؤلف عنده فكر مختلف.
محمد سليمان يكشف تفاصيل بدايته الفنية
كما تحدث الفنان محمد سليمان، عن بدايته الفنية، قائلًا: مكنتش بعمل إعلانات بصفة احترافية، أنا كنت بشتغل في ورشة تمثيل مع الأستاذ محمد عبد الهادي، وفي الوقت ده كنت بحاول أطلع مزاج معين كنت فيه، وكنت دارس موسيقى في الكونسلفتوار وفكرت أرجع تاني ليها ولكني مكنتش مبسوط، ومكنتش عارف المجالات اللي ممكن أروح فيها إيه، خاصة أني خريج تجارة، وقررت أدرس في ورشة تمثيل بنعمل فيها تمارين البحث مع الذات، مكنش عندي أي خلفية أني ممكن أكون ممثل ولا كنت بفكر في ده، في الوقت ده بدأوا يشوفوا الصور بتاعتي واختاروني في أكتر من إعلان، بعد الإعلانات طلبوني لـ فيلم واندهشت.
